Jonah 1:8 - De Beebaa Dabu

⁸ Gai gilaadeu ga ssili ange gi de ia, “Daalaa mai muhuu be niioai hiidinga ne duu mai ai nei de hai ngadaa nei gi gidaadeu. Se hegau aha aau e hai? Gai go hee donu oou ne humai ai naa? Gai dee hee de henua oou ne humai ai? Gai koe se dangada mai i hee?”

Jonah 1:8 Referans Kwoze

Genesis 47:3

Gai Pharaoh ne ssili ange gi ono daina, “Ni hegau aha oodou e hai?” Gilaadeu ne hai ange gi Pharaoh, “Gimaadeu, oo dangada hai hegau, ni dangada hagaloosi manu, bei omaadeu dubuna madagidagi.”

1 Samuel 30:13

Gai David ga ssili ange gi de ia, “Koe se dangada hai hegau niioai? Gai koe se dangada hee?” Gai taane laa ga hai ange, “Au se dama daane mai i Egypt, gai se dangada hai hegau niio dahi daane Amalek. Gai dogu dangada aamua ne tili au i kinei, go hiidinga au ne magi i e dolu laangi gu hulo laa.

Joshua 7:19

Aagai Joshua ga hai ange gi Achan, “Dagu dama, au e hai adu gi de goe, koe gi hagamahamaha ina Tagi Maolunga, de Maadua o Israel, ma de tuhi ia; koe daalaa mai gi de au be se aha aau gu hai, aude hagamuunia donu i de au.”

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

1 Samuel 14:43

Gai a Saul ga hai ange gi Jonathan, “Daalaa mai be se aha aau gu hai.” Gai Jonathan ga hai ange gi de ia, “Au ne mami ange donu huu hanu momo hooni i ma te dogo e poo i dogu lima. Gai aanei hiidinga oogu e daa ai gi magau.”