Jonah 1:3 - De Beebaa Dabu

³ Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.

Jonah 1:3 Referans Kwoze

Joshua 19:46

ma Me-Jarkon, ma Rakkon, aama de mommee i de baasi gee o Joppa.

Genesis 4:16

Gai a Cain ga hano gee mai i mada luu mada o Tagi Maolunga ga hano ga noho i de henua go Nod, i baasi i dua o Eden.

Acts 9:36

Gai e dahi hahine gu hagadonusia e noho i Joppa, dono ingoo go Tabitha, e bei Dorcas i muna Greek. De hine laa ne lagolago ana hegau danuaa ne hai ma de abodonu ange gi de gau hagaau aloha.

Acts 9:43

Gai Peter ne noho i Joppa i daho Simon taane hai gili manu i hanu laangi lagolago.

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Isaiah 23:6

Hagadae adu gi Tarshish; dangada e nnoho i tagudai, goodou tangi see!

Isaiah 23:1

Muna hagadaemaha i dagodo o Tyre. Denga vaga o Tarshish, goodou tangi see! Go hiidinga Tyre gu maoha ma gu ngadi dagodo, gu deai donu se hale be se ava i kilaa. Gai ne hagailoo mai gi gilaadeu mee nei i de henua go Cyprus.

1 Kings 19:3

Gai Elijah gu madagu ga savini ga hano. Gai de masavaa oona ne hano ai ga dae gi Beersheba o Judah, gai ia ne dugu dono dangada hai hegau i kilaa,

2 Thessalonians 1:9

Gai gilaadeu e hagaduasala donu i de hagaduasala e dee ngado mai, ma de tili gee mai i mada luu mada o Tagi Maolunga ma de mahamaha o dono sauaa mmahi,

1 Corinthians 9:16

Gai ga agoagona naa donu e au de longo danuaa, aagai au e dee maua i de tuhi donu huu au, i hiidinga se hegau ne gaamai au gi haia. Gai e vakaa naa donu au, noo au e dee agoago de longo danuaa!

Acts 26:19

“Deenei ai, de hodooligi go Agrippa, au tee hagangadi mee donu de midi hagaago ange mai i de langi.

Ezekiel 27:12

Tarshish ne hagao hogi oo goloa; gilaadeu ne hagao oo goloa i selevaa, ma iron, ma dini aama lead, i hiidinga de kona doo lava i denga goloa.

Isaiah 23:10

Dangada o Tarshish, hagadohu ina honga doodou henua bei dagodo o de Nile, gu deai donu dangada e daohia goodou.

De Beebaa go Job 1:12

Gai Tagi Maolunga ga hai ange gi Satan, “Au e gaavadu gi de goe ssauaa e hai ai be ni aha aau e lodo e hai ange gi ana mee alodahi. Gai koe e dee maua i de poo ange gi dono angaanga.” Gai Satan ga hano gee ai loo i mada luu mada o Tagi Maolunga.

2 Chronicles 2:16

gai gimaadeu ga duuduu adu denga laagau oou e lodo ai mai i Lebanon, ga hai gi daahea adu i honga tai gi tae adu gi Joppa, gai koe ga mmoli ga kave gi Jerusalem.”

Acts 15:38

aagai a Paul ne maanadu bolo e dee danuaa delaau kave ia, go hiidinga ia ne tili gilaau i Pamphylia, tee noho madali gilaau ga dae ai gi de lava alaau hegau.

Luke 9:62

Iesu ne hai ange gi de ia, “Tangada e boogia de mee hagabalabala gai ia ga huli dua e dee heohi ange gi de nohoanga hodooligi o de Maadua.”

Ezekiel 3:14

Gai de Hagasaalunga ne hagamalanga age au ga kave gee, gai au ne hano ma tee lodo ma de lili, gai de lima mmahi o Tagi Maolunga ne poo au.

Isaiah 60:9

Ni muna abodonu, denga henua i tagudai e tali hagalodolodo mai gi de au; denga vaga o Tarshish e loomai naa i mua, ma e gaamai au dama i mommee mmao, madali alaadeu selevaa ma goolo, e hagadubu ai de ingoo o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Isaiah 2:16

ma denga vaga alodahi o Tarshish, ma denga vaga mahamaha alodahi.

De Beebaa go Job 2:7

Gai Satan ne hano gee mai i mada i mua o Tagi Maolunga, ga hai gu ssomo hanu hagahoa hagammae i de angaanga alodahi o Job, mai i luoono vae ga dae ai gi dono biho.

1 Kings 19:9

Gai ia ne gidee dahi haonga i gaogao de mounga i kilaa, gai ia ga ulu gi ono lodo ga noho ai. Gai tilo, Tagi Maolunga ne humai ga ssili ange gi de ia, “Elijah, ni aha aau e hai naa i kinei?”

Genesis 3:8

Gai gilaau gu langona de leo o Tagi Maolunga go de Maadua i dono seesee i lo te veelenga i de maluulu o de ahiahi, gai taane laa ma dono bodu ga hulo ga mmuni i Tagi Maolunga go de Maadua i magavaa o denga manu ssomo i lo te veelenga.

Acts 9:38

Gai Lydda se mommee e baa ange gi Joppa, gai gilaadeu gu hagadonusia e nnoho laa i kilaa gu langona bolo Peter e noho i Lydda, gai gilaadeu ga hai gi hulo e dogolua daane gi dangidangi ange gi hai ange, “Aude haihaia, hagamoolau humai gi omaadeu daha.”

Acts 9:42

Gai longo o mee nei gu dele i Joppa alodahi, gai gu soa hogi dangada ne hagadonusia Tagi Maolunga i kilaa.

Ezra 3:7

Gai dangada ne gaavange sseene gi labagau o denga hadu ma labagau o denga laagau, ma gai, ma mee unu, aama lolo gi de gau Sidon ma de gau Tyre, gai gilaadeu ga gaamai ai denga duudangaa cedar laa lausedi, mai i Lebanon gi Joppa, bei de hai a Cyrus, de hodooligi o Persia, gu hagasauaa ange ai laa.

Psalm 107:23

Hanu gilaadeu ne loiho gi denga vaga i honga tai; gilaadeu ni dangada hagao mee i honga tai laumalie.

Jeremiah 10:9

Gai denga selevaa ne tugi ga baabaa ni mee mai i Tarshish; denga goolo ni mee mai i Uphaz. Gai mee a de labagau ne hai i goolo ma selevaa, ne hakahu i malo buluu ma de purple — mee nei alodahi go denga labagau ne haia.

Jonah 1:10

Gai denga daane hai moni gu maatagu mmao, ga ssili ange gi de ia, “Se hegau bee hee aau ne hai nei?” (Denga daane laa gu iloo bolo Jonah ne hano e mmuni i Tagi Maolunga, i hiidinga ia gu tala ange gi gilaadeu.)

2 Chronicles 2:15

Gai koe gaamai denga wheat ma barley, ma lolo ma uvaini aau gu hagatoo donu bolo e gaamai gi gimaadeu oo dangada hai hegau,

2 Chronicles 9:21

Gai de hodooligi e hanu ono vaga hagao mee e hulo saele madali denga daane hai moni o Hiram. Denga dolu ngadau alodahi gai denga vaga laa e gaamai goolo, ma selevaa, ma ivory ma denga monkey, aama peacock.

Ezekiel 2:8

Aagai koe, tama a tangada, hagalaangona agu muna e tala adu gi de goe. Aude hai baasi mai bei dagodo o de gau hagamaanege laa; gai haangaa doo ngudu gaina mee aagu e gaavadu gi de goe.”