John 9:30 - De Beebaa Dabu

³⁰ Gai taane laa ga hai ange gi gilaadeu, “E kona de hagalele mouli oodou muna; goodou e dee iloo be go hee oona ne humai ai, gai ia gu hai ma gu gide au.

John 9:30 Referans Kwoze

John 12:37

Aagai e dee galemu donu de lagolago hagailonga a Iesu ne hai i madamada o dangada, gai gilaadeu tee hagadonusia donu ia.

John 3:10

Iesu ne hai ange, “Koe se dangada agoago niio de gau Israel, gai koe e dee donu ange gi de mee nei?

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

Isaiah 29:14

Deenei ai, au e ahe ange naa e hai gi llele mouli de gau nei, i mee hagalele mouli lagolago; gai de iloo mee o de gau iloo mee e dee maaleva naa, gai de heiangi o de gau heiangi e lilo naa hogi.”

Psalm 119:18

Koe gi huugea luoogu ganomada, gi donu ange ai au gi mee hagalele mouli i lodo au hainga.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Luke 7:22

Gai Iesu ga hai ange gi luu dangada agoago laa, “Gooluu hulo daalaa ange gi a John ooluu mee gu langona ma de gidee: de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Isaiah 35:5

De masavaa laa gai de gau dee kide e gidee naa, gai de gau longoduli gu langona.

Mark 6:6

Gai ia gu lele ono mouli i hiidinga o delaadeu dee hagadonusia. Gai Iesu ne hano ga hagadaga i denga aduhale ga agoago ai.

Matthew 21:42

Iesu ne hai ange gi gilaadeu, “E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege; de mee nei go Tagi Maolunga ne haia, gai e hagalele mouli i taadeu tilo.’

John 9:29

Gimaadeu e iloo bolo de Maadua ne basa ange gi Moses, gai gimaadeu e dee iloo donu be go hee o taane naa ne humai ai naa.”

John 9:31

Gidaadeu e iloo bolo de Maadua e dee hagallongo dalodalo a de gau baubau, gai ia e hagallongo dangidangi a dangada e daumaha ange gi de Maadua ma de daudali ono lodo.