John 9:29 - De Beebaa Dabu

²⁹ Gimaadeu e iloo bolo de Maadua ne basa ange gi Moses, gai gimaadeu e dee iloo donu be go hee o taane naa ne humai ai naa.”

John 9:29 Referans Kwoze

John 8:14

Iesu ne hai ange gi gilaadeu, “Gai daalaa hagadonu naa donu e au ogu dagodo, gai agu muna ni muna abodonu; go hiidinga au e iloo be go hee oogu ne humai ai, gai go hee oogu e hano aagena. Gai goodou e dee iloo be go hee oogu ne humai ai, aabe go hee oogu e hano aagena.

Acts 26:22

Aagai de Maadua ne bale mai au ga dae mai ai gi anailaa nei. Deenei ai, au e duu i kinei e tala hagadonu ange ai gi gilaadeu e maolalo ma gilaadeu e maolunga. Au e tala donu huu mee a denga pelaabisi aama Moses gu tala laa bolo e hai:

Acts 22:22

Gai dangada ne hagallongo ana muna ga dae ai gi dana tala de mee nei. Aagai gilaadeu ga hevaalogi ga hagataba, “Daia gi magau taane naa! E dee danuaa donu dono mouli!”

Acts 7:35

Deenei taane go Moses olaadeu ne kino ai laa, ga hai ange, ‘Goai ne haia goe go demaadeu dagi be go tangada e hagamodu ina omaadeu muna?’, deenei taane a de Maadua ne hai gi hano gi dagina ma de hagaola gilaadeu, i ssauaa o tangada de langi ne hakide ange laa gi de ia i lo te manu somo e ula laa.

John 9:24

Gai gilaadeu ga hagahi ange hogi taane nogo dee gide laa i de lua hanonga ga ssili ange gi de ia, “Koe gi hagamahamaha ina de Maadua. Gimaadeu e iloo bolo taane naa se daane haisala.”

John 9:16

Gai hanu Pharisee ne hagataba, “Taane nei tee humai i daho de Maadua, go hiidinga ia e dee hagadabu de laangi o Sabbath.” Aagai hanu Pharisee ne ssili, “Dee hee de hai a dahi dangada haisala e maua ai i de hai denga hagailonga be mee nei?” Gai gilaadeu gu dee buni.

John 7:27

Gai gidaadeu e iloo be go hee o taane nei ne humai ai. Gai ga hagasula mai naa huu de Klisdo, gai e deai donu se dangada e iloo e ia be go hee oona ne humai ai.”

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Luke 23:2

Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

Matthew 26:61

ga hai ange, “Taane nei gu hagadaba, ‘Au e maua i de oha de temple o de Maadua, gai ga hagaduu age ange i e dolu donu huu laangi.’ ”

Matthew 12:24

Gai denga Pharisee gu langona e gilaadeu muna laa, gai gilaadeu ga hagataba, “Taane nei e hai gi hulo denga hagasaalunga baubau i ssauaa o Beelzebul, tagi o denga hagasaalunga baubau.”

Malachi 4:4

Goodou manadua de hainga a dogu dangada hai hegau go Moses, ma muna gu hagasauaa aama agu hagamodu ne gaavange gi de ia i Horeb gi daalaa ange gi Israel alodahi.

Psalm 106:16

Gilaadeu ne magiaa ange gi Moses ma Aaron, taane gu hagadabu ange gi Tagi Maolunga,

Psalm 105:26

Ia ne kave Moses, dono dangada hai hegau, ma Aaron, taane aana gu hili.

Psalm 103:7

Ia ne hagaago gi Moses dagodo o ono haiava, gai ne hagaago ange gi de gau Israel dagodo o ana hegau.

Psalm 22:6

Aagai au se ilo e dee se dangada, dangada e kino ma de hagangadi mee au.

2 Kings 9:11

De masavaa o Jehu ne sao mai ai gi daho de gau hai hegau o dono dangada aamua, gai dahi gilaadeu ga ssili ange gi de ia, “Ni aha gu hai naa? Gai gu aha gu humai ai naa taane senga naa gi oo daha?” Jehu ne hai ange gi gilaadeu, “Goodou e iloo naa donu huu dagodo o tangada senga ma ana muna e tala.”

1 Kings 22:27

ma gi hai ange, ‘E hagadaba de hodooligi: haaoa taane nei gi lo te hale pono, gai haangai ina ange donu huu ia i hanu momo pelaoaa ma vai, ga dae ai gi dogu ahe mai i de hebagi i de noho baba.’ ”

Deuteronomy 34:10

Gai tigi ai ange donu se pelaabisi o Israel ne bei dagodo o Moses, Tagi Maolunga ne hakide ange ga basa ange gi de ia.

Numbers 16:28

Gai Moses ga hai ange, “Deenei doodou hai e iloo ai bolo go Tagi Maolunga ne haia au gi humai gi haia hegau nei alodahi, au tee humai donu huu i de au.

John 7:28

Gai Iesu ga oo ga hagadaba i de masavaa oona ne agoago ai i de temple, “Goodou e iloo donu be au go ai, goodou e iloo hogi be go hee oogu ne humai ai? Au tee humai donu huu i dogu sauaa, gai de ia ne gaamai nei au gi humai go de muna abodonu, gai goodou e dee iloo donu ia.

John 9:30

Gai taane laa ga hai ange gi gilaadeu, “E kona de hagalele mouli oodou muna; goodou e dee iloo be go hee oona ne humai ai, gai ia gu hai ma gu gide au.

Hebrews 1:1

Madagidagi gai de Maadua ne basa ange gi odaadeu dubuna i daho denga pelaabisi, i hanonga lagolago ma hagadagodo lagolago,

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.