John 9:28 - De Beebaa Dabu

²⁸ Gai gilaadeu ga hagadogaa ia, ga hai ange, “Koe se dangada agoago donu nii taane naa! Gimaadeu ni agoago nii Moses.

John 9:28 Referans Kwoze

Romans 2:17

Aagai noo koe e hagadaba bolo koe se dangada Ssuu e lango ange gi de hainga, ma de tala hagasoenga bolo koe se dangada niio de Maadua,

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

1 Corinthians 4:12

Gimaadeu e hai hegau kona i omaadeu lima. De masavaa a dangada e hagamalaia ai gimaadeu, gai gimaadeu e hagamanuuia gilaadeu; de masavaa omaadeu e vaivai haia ai, gai gimaadeu e llodo mmahi;

John 9:34

Gai gilaadeu ga hai ange gi de ia, “Koe se dangada e honu i de baubau mai i doo haanau, gai koe e humai e agoago mai gimaadeu!” Gai gilaadeu ga alualu ia gi hano gee mai i lo te synagogue.

John 7:19

E aha, e dee go Moses ne gaavadu gi goodou de hainga? Gai e deai donu se goodou e daudali ai. Gai gu aha goodou gu ssala ai au e daa au gi magau?”

Matthew 27:39

Gai dangada ne loomai laa kilaa ne hagammae manava ia ma de geugeu olaadeu biho,

Matthew 5:11

E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga.

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.