John 8:58 - De Beebaa Dabu

⁵⁸ Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, i mua de haanau o Abraham, gai au gu dahi donu.”

John 8:58 Referans Kwoze

Exodus 3:14

Gai de Maadua ga hai ange gi Moses, “Go Au donu Go Au. Gai koe hai ange gi de gau Israel, ‘Go Au donu ne haia goe gi hanadu gi olaadeu daha.’ ”

Colossians 1:17

Gai Klisdo gu mouli huu i mua de hai mee alodahi, gai go ia e daohia mee alodahi.

John 17:5

Tamana, hagamahamaha ina loo au iainei, i mada luoo mada i de mahamaha oogu nogo hagamahamaha ai laa i dogu noho madali goe, i mua de hai o henua i lalo.

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Isaiah 48:12

Jacob, noho mai hagalaangona agu muna, Israel, de ia aagu ne hagahi: go au donu deenei; go au taamada, gai go au de hagaodi.

Revelation 2:8

“Gai siia ange muna nei gi tangada de langi o de nohoanga dabu i Smyrna: Aanei muna mai i daho de ia i taamada gai go de hagaodi, go de ia ne magau laa gai gu mouli age ange.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Isaiah 43:13

Uaa, go au donu de Maadua, mai iainei ga hano ai, go au donu go ia. Gai e deai donu se dangada e maua i de hagaola dahi mai i de au. Gai goai e maua i de buibui au i de masavaa aagu e hai ai dahi hegau?”

Isaiah 46:9

Manadua mee ne hai madagidagi; go au donu de Maadua, e deai ange donu; go au donu de Maadua, e deai ange donu e bei ogu dagodo.

Isaiah 44:8

Goodou aude bolebole, goodou aude maatagu. E aha, tee hagailoo ina e au ma de tala mee nei madagidagi loo? Go goodou ogu dangada hagadonu. E aha, e dahi ange maadua bei au? E deai, e deai ange donu se Baba mmahi; au e dee iloo bolo e dahi ange.”

John 8:51

Ni muna abodonu, ni muna abodonu aagu e hai adu gi goodou, tangada e daohi agu muna e dee magau naa donu.”

Revelation 1:11

Gai de leo laa ne hai mai, “Siia au mee alodahi e gidee i dahi beebaa mulo ma gi gaavee gi denga nohoanga dabu e hidu i Asia: go de nohoanga dabu o Ephesus, ma Smyrna, ma Pergamum, ma Thyatira, ma Sardis, ma Philadelphia, aama Laodicea.”

John 8:34

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, be goai e haisala se dangada hai hegau donu niio de haisala.

John 8:24

Au gu tala adu gi goodou bolo goodou e maakau donu i lodo oodou haisala; noo goodou e dee hagadonusia bolo go au go ia bei dagu hai gu tala, gai goodou e maakau naa donu i lodo oodou haisala.”

John 8:28

Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.

John 10:25

Iesu ne hai ange, “Au gu lava i de tala adu gi goodou, aagai goodou e dee hagadonu. Denga hegau aagu e hai i de ingoo o dogu Damana, go gilaadeu e daalaa hagadonu ogu dagodo,