John 8:56 - De Beebaa Dabu

⁵⁶ Doodou damana go Abraham ne malangilangi i dana gidee dogu masavaa e dae mai ai; ia ne malangilangi i dana gidee de mee nei.”

John 8:56 Referans Kwoze

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.

Genesis 22:18

Gai denga huaahenua alodahi o henua i lalo e manuuia naa i hiidinga o doo hagadiilinga, go hiidinga koe ne daudali i agu muna.”

John 8:39

Gilaadeu ne hai ange gi de ia, “Demaadeu dubuna go Abraham.” Iesu ne hai ange, “Noo goodou ni dama nii Abraham, gai goodou e hai mee a Abraham ne hai.

Matthew 13:17

Ni muna abodonu aagu e hai adu nei gi goodou, e soa pelaabisi ma dangada heohi ne llodo gi gidee e gilaadeu oodou mee gu gide naa, aagai gilaadeu tee gidee. Gilaadeu ne llodo e hagallongo oodou mee gu langona, gai gilaadeu tee langona.

Luke 10:24

Au e hai adu gi goodou, e soa pelaabisi ma hodooligi ne llodo gi gidee e gilaadeu mee oodou gu gide naa, gai gilaadeu tee gidee. Gilaadeu ne llodo e hagallongo mee oodou gu langona, aagai gilaadeu tee langona!”

Hebrews 11:39

De gau nei alodahi ne hagabinga bolo e danuaa, i hiidinga olaadeu kai, aagai teai donu se gilaadeu ne gaavee mee a de Maadua gu hagatoo donu laa,

John 8:37

Au e iloo bolo goodou go aamuli o Abraham. Gai goodou gu paba ange donu e daa au gi magau, go hiidinga goodou e dee daohi agu muna i oodou lodo.

John 10:25

Iesu ne hai ange, “Au gu lava i de tala adu gi goodou, aagai goodou e dee hagadonu. Denga hegau aagu e hai i de ingoo o dogu Damana, go gilaadeu e daalaa hagadonu ogu dagodo,