John 8:55 - De Beebaa Dabu

⁵⁵ Goodou e dee iloo ia, gai au e iloo donu ia. Noo au e hagadaba bolo au e dee iloo ia, gai au gu se dangada hadu muna bei oodou dagodo, aagai au e iloo donu ia ma de daohi ana muna.

John 8:55 Referans Kwoze

John 8:19

Gai gilaadeu ga ssili ange gi de ia, “I hee iai doo Damana?” Iesu ne hai ange, “Goodou e dee iloo donu au aabe go dogu Damana. Noo goodou e iloo au, gai goodou e iloo hogi dogu Damana.”

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.

John 8:51

Ni muna abodonu, ni muna abodonu aagu e hai adu gi goodou, tangada e daohi agu muna e dee magau naa donu.”

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

1 John 5:10

Be goai e hagadonusia Tama Daane a de Maadua, gai ia e daohia de tala hagadonu nei i ono lodo. Gai tangada e dee hagadonusia de Maadua gu hai de Maadua gi se ia hadu muna, go hiidinga ia tee hagadonusia muna a de Maadua gu tala ai dagodo o dana Dama Daane.

John 15:21

Aagai gilaadeu e hai adu naa mee nei alodahi gi goodou i hiidinga o dogu ingoo, go hiidinga gilaadeu e dee iloo de ia ne haia nei au gi humai.

1 John 2:22

Gai goai tangada hadu muna? E dee go tangada e hagadaba laa bolo Iesu e dee go de Klisdo? Tangada bee nei go de hagadaumee donu o Klisdo — ia e hagadee iloo Tamana ma Tama Daane.

1 John 2:4

Tangada e hagadaba, “Au e iloo ia” aagai e dee daohi ana muna, se dangada hadu muna, gai e deai donu se muna abodonu e dagodo i ono lodo,

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Acts 17:23

I hiidinga de masavaa oogu ne hagadaga ai ga tilo oodou mee e daumaha ange aagena, gai au ne gidee dahi mommee o ssigidaumaha e sisi ange aagena muna nei: ‘Ange gi de Maadua e dee iloo laa’. Gai goodou e dee iloo donu dagodo o de mee oodou e daumaha ange naa aagena — gai au e tala adu gi iloo ai e goodou.

John 17:25

Tamana e heohi mmao, de gau henua i lalo e dee iloo goe, aagai au e iloo goe, gai gilaadeu gu iloo bolo go koe donu ne haia nei au gi humai.

John 16:3

Gai gilaadeu e hai mee nei i hiidinga gilaadeu e dee iloo dogu Damana, gilaadeu e dee iloo hogi au.

John 15:10

Noo goodou e daudali i agu muna, gai goodou e nnoho donu i lalo dogu aloha, bei dagu hai ne daudali ai laa i muna a dogu Damana, ma de noho i lalo dono aloha.

John 10:15

bei de hai a Tamana e iloo ai laa au, gai au e iloo Tamana. Gai au e gaavange dogu mouli i hiidinga o denga ssiibi.

John 8:29

De ia ne hai laa au gi humai e noho madali au. Ia e dee tili donu au, go hiidinga au e hai mee oona e malangilangi ai i masavaa alodahi.”

John 6:46

Tigi ai donu se dangada ne gidee e ia Tamana; go Tama donu huu ne humai laa i daho de Maadua, go ia gu gidee Tamana.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

Hosea 5:4

Alaadeu hegau hakino gee gu daohi gilaadeu gi dee aahe mai gi delaadeu Maadua. Go hiidinga gilaadeu e llodo mmao i de hai be se manu, gai gilaadeu gu dee iloo Tagi Maolunga.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

John 8:52

Gai de gau Ssuu ga hai ange gi de ia, “Deenei donu de sula mai bolo de hagasaalunga baubau e noho i oo daha! Abraham gu magau, gai e bei ai hogi denga pelaabisi; gai koe e hagadaba, ‘Tangada e daohia agu muna e dee magau donu.’

1 John 1:6

Noo gidaadeu e hagataba bolo gidaadeu e buni madali ia, aagai gidaadeu e seesee i de gohu, gai gidaadeu e hadu muna ma tee hai hegau i de muna abodonu.