John 8:38 - De Beebaa Dabu

³⁸ Au e tala adu gi goodou agu mee gu gide i daho dogu Damana, gai goodou e hai mee oodou gu langona i daho doodou damana.”

John 8:38 Referans Kwoze

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

John 8:41

Gai goodou e hai donu mee a doodou damana gu hai.” Gilaadeu ne hai ange gi de ia, “Gimaadeu tee hagadili i de hai be se manu; gimaadeu e dahi donu huu omaadeu damana, go de Maadua.”

John 5:30

“Au e dee maua i de hai dahi mee i de au donu huu; gai au e hagamodu muna bei dagu hai gu langona ai laa i daho Tamana. Agu hagamodu e heohi, go hiidinga au e dee hai donu huu ogu lodo, gai au e hai gi bei lodo o de ia ne haia nei au gi humai.

John 14:24

Tangada e dee aloha i de au, e dee daudali i agu muna. Oodou muna gu langona mai i ogu daha e dee niiagu donu, gai ni muna donu nii Tamana ne haia nei au gi humai.

John 14:10

Koe e dee hagadonusia bolo au e noho i lodo o Tamana, gai Tamana e noho i ogu lodo? Au e dee tala adu muna nei i dogu sauaa donu huu, aagai go Tamana e noho laa i ogu lodo e hai hegau i ogu daha.

John 8:26

E lagolago agu mee e tala ai oodou dagodo ma de hagamodu ai oodou muna; gai de ia ne haia ngau gi humai go de muna abodonu, gai au e tala ange gi henua i lalo mee alodahi aagu gu langona mai i ono daha.”

John 3:32

Gai ia e tala hagadonu ana mee gu gidee ma de langona; aagai e deai donu dangada e hagadonusia ana muna e tala.

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?