John 8:29 - De Beebaa Dabu

²⁹ De ia ne hai laa au gi humai e noho madali au. Ia e dee tili donu au, go hiidinga au e hai mee oona e malangilangi ai i masavaa alodahi.”

John 8:29 Referans Kwoze

John 6:38

Go hiidinga au tee hano iho i de langi e hai donu huu ogu mee e lodo ai, gai au ne hano iho e hai lodo o de ia ne haia nei au gi humai.

John 16:32

E dae mai naa de aoaa, gai gu dae mai donu, de masavaa laa gai goodou e mavaevae saele naa, dahi ma dahi e ahe naa gi dono hale gai ga tili au. Gai au e dee daudahi donu, go hiidinga Tamana e noho madali au.

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

John 15:10

Noo goodou e daudali i agu muna, gai goodou e nnoho donu i lalo dogu aloha, bei dagu hai ne daudali ai laa i muna a dogu Damana, ma de noho i lalo dono aloha.

John 5:30

“Au e dee maua i de hai dahi mee i de au donu huu; gai au e hagamodu muna bei dagu hai gu langona ai laa i daho Tamana. Agu hagamodu e heohi, go hiidinga au e dee hai donu huu ogu lodo, gai au e hai gi bei lodo o de ia ne haia nei au gi humai.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

John 8:16

Aagai noo au e hagamodu muna o dangada, gai agu hagamodu e heohi, go hiidinga e dee go au donu huu. Gai au e hai mee nei madali dogu Damana, ne haia laa ngau gi humai.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

John 14:31

aagai de gau i henua i lalo gi iloo bolo au e aloha i Tamana, gai au e hai donu gi bei mee a dogu Damana gu tala mai gi de au. Goodou hiihidi age, gidaadeu ga hulo.

John 17:4

Au ne hagamahamaha goe i henua i lalo, i dagu hagalava de hegau aau ne gaamai au gi haia.

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Isaiah 42:6

“Go au go Tagi Maolunga, au ne hagahi goe i de heohi, au e poo naa donu doo lima. Au e tilo adu goe, ma de hai goe gi se hagatoo donu hagaheloongoi ange gi dangada, gai gi se maalama ange gi denga huaahenua;

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Isaiah 42:21

Tagi Maolunga ne malangilangi i de hai ana hainga gi maolunga ma de mahamaha, i hiidinga ia e heohi.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

2 Timothy 4:22

Tagi Maolunga gi noho i daho doo hagasaalunga. Dono abodonu gi dagodo i oodou daha.

Matthew 3:15

Aagai Iesu ne basa ange ga hai ange, “Hagasula ina de mee nei, e heohi taau hagasula de heohi alodahi.” Aagai a John gu buni ange.

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.