John 8:28 - De Beebaa Dabu

²⁸ Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.

John 8:28 Referans Kwoze

John 5:30

“Au e dee maua i de hai dahi mee i de au donu huu; gai au e hagamodu muna bei dagu hai gu langona ai laa i daho Tamana. Agu hagamodu e heohi, go hiidinga au e dee hai donu huu ogu lodo, gai au e hai gi bei lodo o de ia ne haia nei au gi humai.

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

John 6:38

Go hiidinga au tee hano iho i de langi e hai donu huu ogu mee e lodo ai, gai au ne hano iho e hai lodo o de ia ne haia nei au gi humai.

John 3:14

Moses ne hagaduu age de labodo i de vao, gai Tama a Tangada e hagaduu age naa hogi,

Romans 1:4

gai gu hagaago mai bolo ia go Tama Daane a de Maadua i ssauaa o de Hagasaalunga Dabu, i hiidinga dono mouli age mai i de magau: deenei, go Iesu Klisdo taadeu Dagi Maolunga.

Acts 4:4

Aagai gu soa donu dangada ne langona laa alaau muna gu hagadonusia, agu made se limamano taelodo o dangada alodahi.

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

John 19:18

Gai gilaadeu ne daudau ia i kilaa madali e dogolua daane, dahi i dono baasi madau, gai dahi i dono baasi masui, gai Iesu i olaau magavaa.

John 16:10

dagodo o de heohi, i hiidinga au e hano gi daho dogu Damana, gai goodou e dee gidee naa ngau;

John 11:42

Au e iloo bolo koe e langona agu muna i masavaa alodahi, gai au e tala muna nei i hiidinga o dangada e tuu nei i kinei, gi hagadonusia ai e gilaadeu bolo go koe donu ne gaamai au gi humai.”

John 8:24

Au gu tala adu gi goodou bolo goodou e maakau donu i lodo oodou haisala; noo goodou e dee hagadonusia bolo go au go ia bei dagu hai gu tala, gai goodou e maakau naa donu i lodo oodou haisala.”

John 3:11

Ni muna abodonu, ni muna abodonu aagu e hai adu nei gi de goe, gimaadeu e pasa i mee amaadeu e iloo, gai gimaadeu e tala hagadonu mee amaadeu gu gide, aagai goodou e dee hagadonu amaadeu mee e tala adu.

Exodus 3:14

Gai de Maadua ga hai ange gi Moses, “Go Au donu Go Au. Gai koe hai ange gi de gau Israel, ‘Go Au donu ne haia goe gi hanadu gi olaadeu daha.’ ”

Deuteronomy 18:18

Au e hagasula age naa dahi pelaabisi bei goe i magavaa olaadeu daina donu. Gai au e hhao ange naa agu muna gi lo tono ngudu, gai ia ga tala ange ai gi gilaadeu agu muna gu tala ange gi de ia.

Matthew 24:5

Gai e soa naa dangada e loomai i dogu ingoo, ga hai adu, ‘Go au go de Klisdo,’ gai gilaadeu e daahanga naa dangada soa.

Mark 13:6

E soa naa dangada e loomai i dogu ingoo ga hai adu, ‘Go au go ia!’, gai gilaadeu ga hagasenga ai naa dangada soa.

Luke 21:8

Iesu ne hai ange gi gilaadeu, “Goodou dagidiiloo gi dee hagasengalia goodou. E soa naa dangada e loomai i dogu ingoo ga hagataba, ‘Go au go ia!’, gai ‘Gu baa mai de masavaa laa!’ Gai goodou gi dee daudali ange i gilaadeu.

John 4:26

Gai Iesu ga hai ange gi de ia, “Go au donu de Klisdo e basa adu nei gi de goe.”

John 8:27

Gai gilaadeu tee tonu ange bolo ia e basa i dono Tamana.

John 8:58

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, i mua de haanau o Abraham, gai au gu dahi donu.”

John 13:19

Au e tala adu gi goodou mee nei iainei i mua de hai, gi hagadonusia ai e goodou bolo go au donu go ia, i de masavaa e hai ai mee nei.

John 18:32

(De mee nei ne hai e hagassula ai muna a Iesu gu tala ai laa dagodo o dono hai e magau ai.)