John 8:20 - De Beebaa Dabu

²⁰ Iesu ne tala muna nei i de masavaa oona e agoago ai i de temple i gaogao de mommee e dugu ai denga sigidaumaha. Aagai teai donu se dangada ne boogia ia, go hiidinga tigi dae mai dono masavaa.

John 8:20 Referans Kwoze

John 7:30

Gai gilaadeu ga hagatale de poo ia, gai teai ne maua i de poo ange gi de ia, go hiidinga tigi dae mai dono masavaa.

John 7:8

Goodou hulo gi taonga. Au e dee hano gi taonga iainei, go hiidinga tigi dae mai dogu masavaa.”

Mark 12:41

Iesu ne hano ga noho i de baasi gee o de ngavesi e hhao ange laa aagena sseene a dangada, ga tilo ai de hai a dangada e haoa ange ai alaadeu sseene gi lo te ngavesi laa. Gai ne soa dangada lava ne haoa ange sseene lagolago.

John 7:44

Gai hanu dangada ne llodo e poo ia, gai teai donu se dangada ne poo ange gi de ia.

Mark 12:43

Gai ia ga hagahi ana dangada agoago ga hai ange gi gilaadeu, “Ni muna abodonu aagu e hai adu nei gi goodou, de hine hagaau aloha laa ne lagolago ange ana mee ne hhao gi lo te ngavesi i de gau ange laa alodahi.

Matthew 27:6

Gai de gau haimeedabu maolunga ga kave denga dibaa selevaa laa ga hagataba, “E dee heohi de hhao mee nei gi lo te mommee doange o de temple, i hiidinga ni sseene ne daa ai dahi dangada ga magau.”

John 10:39

Gai gilaadeu ne hagatale ange hogi de poo ia, gai ia ga hagaui i olaadeu lima, ga hano gee i kilaa.

John 8:59

Gai gilaadeu ga poo age denga hadu e maga ai ia, gai Iesu ga hagalilo ga sao ga hano gee mai i de mommee o de temple.

Luke 20:19

De gau sisi ma de gau haimeedabu maolunga ne ssala de hai e poo ai Iesu i de masavaa laa, go hiidinga gilaadeu e iloo bolo ia ne tala de mee hagasengasenga laa e hagaago ange ai olaadeu dagodo; aagai gilaadeu e maatagu i dangada.

1 Chronicles 9:26

Aagai denga dagi dogohaa o de gau hagaloosi ni dangada de aamuli o Levi, go gilaadeu e diiloo ange denga aabi ma mommee doange i de hale o de Maadua.

Matthew 26:55

De masavaa laa gai Iesu ne ssili ange gi de hagabuulingaa daane laa, “Goodou ne loomai naa ma denga gadilaasa ma laagau e poo ai au, bei dagodo o dahi dangada gaiaa? Laangi alodahi gai au ne noho i lo te temple ma e agoago ai, gai goodou tee poo au.

Luke 21:1

Iesu ne gidee de gau lava e hhao alaadeu mee ngadi gaavange gi lo te ngavesi o ssigidaumaha.

John 2:4

Iesu ne hai ange gi de ia, “De hine, gu aha gu tala mai ai naa goe mee naa gi de au? Tigi dae dogu masavaa.”

John 7:14

Gai ga madohi lua huu de masavaa o taonga, gai Iesu ga hanage gi de temple ga daamada de agoago.

John 8:2

Gai boo taiao donu huu gai ia ne ahe gi de temple. Gai dangada alodahi gu loomai gi ono daha, gai ia ga noho i kilaa ga agoago ange ai gilaadeu.