John 7:37 - De Beebaa Dabu

³⁷ Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

John 7:37 Referans Kwoze

Isaiah 55:1

Loomai, goodou alodahi e hieunu, loomai gi de vai; gai goodou e deai oodou sseene, loomai, hagao ina ma gi gaina! Loomai hagao ina uvaini ma vai uu e dee hagao i sseene, gai e deai sono hagaoanga.

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

John 6:35

Iesu ne hai ange gi gilaadeu, “Go au de pelaoaa o de mouli; tangada e humai gi de au e dee haihai donu ga hiigai, gai tangada e hagadonu au e dee haihai naa donu ga hieunu.

Isaiah 12:3

Goodou e asu naa oodou vai ma de malangilangi mai i denga saalingaa vai hagamouli.

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.

Psalm 42:2

Au e lodo mmao i de Maadua, go de Maadua e mouli laa. Gai go aahee oogu e humai ai gi mada luu mada o de Maadua?

Psalm 63:1

De Maadua, go koe dogu Maadua, au e hagaduu ngae e ssala goe; dogu hagasaalunga e lodo mmao i de goe; dogu angaanga e buliaamou mmao i de goe, i de henua mmasa ma de hagadaalea, go de mommee e deai vai iai.

Psalm 143:6

Au e haalo adu dogu lima gi de goe; dogu hagasaalunga e lodo mmao i de goe bei dagodo o de gelegele e deai vai iai. Selah

Revelation 22:1

Gai tangada de langi laa ne hagaago mai gi de au ssaalingaa vai o de mouli, e masalaba laa bei de crystal, gai e sali mai i de nohoanga o de Maadua ma Ssiibi Gauligi,

1 Corinthians 12:13

Gai gidaadeu alodahi ne babudaisi i de Hagasaalunga daudahi e hai ai de angaanga e dahi — e dee hilihili be ni dangada Ssuu aabe ni dangada Greek, be ni dangada hai hegau aabe ni dangada e ilaage — gai gidaadeu alodahi ne kave de Hagasaalunga daudahi.

John 6:55

Go hiidinga dogu angaanga go gai abodonu, gai ogu dodo go mee unu abodonu.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Numbers 29:35

Gai de valu laangi naa huu o taonga, gai goodou hagabuni mage daumaha; goodou aude haia ai dahi hegau daudahi.

1 Corinthians 10:21

Goodou e dee maua i de unu i de ubu a Tagi Maolunga, gai e unu hogi i de ubu a denga hagasaalunga baubau. Goodou e dee maua i de gaimee i teebele o Tagi Maolunga, gai e gaimee hogi i teebele o denga hagasaalunga baubau.

1 Corinthians 10:4

gai alodahi ne unu hogi i vai mai i de baasi gi de hagasaalunga; gilaadeu ne unu mai i de hadu a de hagasaalunga ne daudali ange laa i gilaadeu, gai de hadu laa go Klisdo donu.

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Leviticus 23:36

E hidu laangi oodou e hai ai ssigidaumaha i de ahi ange gi Tagi Maolunga; gai de valu laangi se laangi hagabuni dabu niiodou ma de hai ai oodou sigidaumaha i de ahi ange gi Tagi Maolunga. De mee nei se laangi hagabuni niiodou; gai goodou aude haia ai hanu hegau.

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

1 Corinthians 11:25

Gai ia ne poo mai hogi de ubu, i de lava de gaimee, ga hai ange, “De ubu nei go de hagatoo donu hagaheloongoi hoou e hai i ogu dodo. Goodou hagamau ina de unu i de ubu nei, e hagamaanadu ai au.”

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

John 5:40

aagai goodou e dee llodo e loomai gi de au gi maua ai e goodou de mouli.

John 1:23

Gai ia ne hai ange, “Au go de leo o dahi e oo laa i de vao ma e hagadaba, ‘Hagasoea de haiava o Tagi Maolunga,’ bei de hai a de pelaabisi go Isaiah gu tala ai laa.”

Zechariah 9:15

gai Tagi o denga hagabuulinga hebagi e buibui naa gilaadeu. Gilaadeu e daa naa dangada ma de hagadee kii gilaadeu i denga buada. Gilaadeu e unu naa ma de hevaalogi bei dagodo o dangada gu ssenga i de unu uvaini; gilaadeu gu hoohonu bei de gumedi iai laa dodo e hagassii ange laa gi dege o de mommee o ssigidaumaha.

Micah 6:9

De leo o Tagi Maolunga e hagahi ai de aduhale — gai de heiangi abodonu go de madagu i doo ingoo — “Hagallongo ange gi de laagau haele ma de ia ne hagamodu ina.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Jeremiah 2:2

“Hannoo daalaa ange gi langona e dangada o Jerusalem, hai ange: ‘E hagadaba Tagi Maolunga, Au e manadua dau hagadubu au i doo masavaa e dama daane ai, ma doo aloha i de au bei de hine gu dai hai bodu, ma doo daudali mai i de au i de vao, go de mommee e deai mee ssomo ai.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Isaiah 40:6

De leo o dahi e hagadaba, “Oo gi laumalie doo leo!” Gai au ne ssili ange, “Aahee agu muna e oo e tala?” “Dangada alodahi e bei dagodo o denga helii, gai olaadeu mahamaha alodahi e bei denga huaala i lo te duu malaelae.

Nehemiah 8:18

Gai Ezra ga dau de beebaa o de hainga a de Maadua i denga laangi laa, mai i tahi laangi ga dae ai gi de laangi hagaodi. Gai gilaadeu ne dao taonga nei i e hidu laangi, gai de valu laangi se laangi e hagabuni ai ga daumaha.

Leviticus 23:39

Gai de madaangahulu ma lima laangi naa huu o de hidu malama, i dua doodou hagabudu mai denga huamanu i oodou gelegele, gai goodou ga dao taonga a Tagi Maolunga i e hidu laangi; gai tahi laangi ma de valu laangi ni laangi hagammabu niiodou.

John 7:28

Gai Iesu ga oo ga hagadaba i de masavaa oona ne agoago ai i de temple, “Goodou e iloo donu be au go ai, goodou e iloo hogi be go hee oogu ne humai ai? Au tee humai donu huu i dogu sauaa, gai de ia ne gaamai nei au gi humai go de muna abodonu, gai goodou e dee iloo donu ia.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Song of Songs 5:1

Dogu daina hahine, dogu hagababa, au gu humai gi dagu veelenga, au gu hagabudu agu myrrh ma agu mee hagamanongi. Au gu gai de mee e hhao ai hooni ma hooni iai; au gu unu agu uvaini ma agu vai uu. Luoomaadeu soa, gooluu gaimee ma de unu; luu dau soa, gooluu unu gi boobosu!

Proverbs 8:3

ma gaogao denga haitoga e ulu ai gi lo te aduhale, ma de oo i gaogao denga haitoga:

Matthew 3:3

Deenei de ia a de pelaabisi go Isaiah gu tala laa ma e hagadaba, “De leo o dahi e oo i de vao ma e hagadaba, ‘Hagadabena ina de haiava o Tagi Maolunga; hagassoea ono haiava!’ ”

Proverbs 9:3

Ia gu kave ono haahine hai hegau gi tuu i honga mommee maolunga hugadoo o de aduhale, gi hagaagahia ai dangada.

Proverbs 8:1

E aha, de heiangi e dee oo laa ma e hagaagahi? De donu ange e dee oo mai laa?

Proverbs 1:20

De heiangi e oo i honga de haiava, ia e oo i mommee e hagabuni ai dangada;

Proverbs 8:17

Au e aloha i gilaadeu e aaloha i de au, gai gilaadeu e hagammahi e saalaa au e gidee naa e gilaadeu au.

Ezekiel 47:9

Mommee alodahi o de vai laa e sali aagena, gai manu alodahi e nnoho i kilaa gu mouli. Gai e hai ga lagolago mamu nnui i kilaa, go hiidinga vai nei e hano gi kilaa ga sui ai vai soolo laa gi ni vai danuaa, gai mommee alodahi o de vai laa e dae aagena, gai denga mee alodahi gu mouli.

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

John 4:11

De hine laa ne hai ange gi de ia, “Tangada aamua, koe e deai donu sau mee e asu ai vai, gai de vai geli nei e gelo. Gai go hee aau e gaamai ai de vai o de mouli naa?