John 7:27 - De Beebaa Dabu

²⁷ Gai gidaadeu e iloo be go hee o taane nei ne humai ai. Gai ga hagasula mai naa huu de Klisdo, gai e deai donu se dangada e iloo e ia be go hee oona ne humai ai.”

John 7:27 Referans Kwoze

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

John 9:29

Gimaadeu e iloo bolo de Maadua ne basa ange gi Moses, gai gimaadeu e dee iloo donu be go hee o taane naa ne humai ai naa.”

John 6:42

Gilaadeu ne hagataba, “E dee go Iesu tama daane a Joseph deenei, gai gidaadeu e iloo hogi be goai luoono maadua? Gai dee hee dana hai e hagadaba ai nei bolo ia ne hano iho laa i de langi?”

Jeremiah 30:21

Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Mark 6:3

E dee deenei de labagau, go tama daane a Mary, taina daane o James, ma Joses, ma Judas, aama Simon? Gai ono daina haahine e dee nnoho nei hogi madali gidaadeu?” Gai gilaadeu tee hagadonusia ia.

Luke 4:22

Gai dangada alodahi ga tala tuhi ono longo, gai gilaadeu gu llele mouli i muna o de abodonu aana e tala. Gai gilaadeu ga ssili ga hagataba, “E dee go tama daane a Joseph deenei?”

Isaiah 11:1

Dahi uli e matili age naa i tahido o Jesse; gai dahi laa e somo age naa i dono dahido ga hua.

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Acts 8:33

Ia ne hagangadi mee ina, gai tee hagamodu ono muna i de heohi. Gai goai e maua i de tala dagodo o dono aamuli? Go hiidinga dono mouli gu kave gee mai i henua i lalo.”

John 7:15

Gai de gau Ssuu gu llele mouli ga hagataba, “Go hee a taane nei ne ago ai nei mee nei, gai ia tee hano i dahi sukulu?”

Isaiah 53:8

Ia ne gaavee ga vaivai haia ma de hagaduasala, gai goai e maua i de hagasaelea dagodo o dono atangada? Ia ne daa ga magau ga kave gee mai i daho dangada; ia ne hagailiilia i hiidinga haisala o ogu dangada.