John 6:69 - De Beebaa Dabu

⁶⁹ Gimaadeu gu hagadonusia ma de iloo bolo go koe donu de Ia Dabu a de Maadua.”

John 6:69 Referans Kwoze

John 11:27

Gai Martha ne hai ange gi de ia, “Uaa, Tagi Maolunga, au e hagadonusia bolo go koe donu de Klisdo, Tama Daane a de Maadua, gu tala laa bolo e humai gi henua i lalo.”

Luke 9:20

Gai Iesu ga ssili ange hogi gi gilaadeu, “Gai goodou e hagataba bolo au goai?” Gai Peter ga hai ange, “Go koe donu de Klisdo a de Maadua.”

Mark 8:29

Gai ia ga ssili ange gi gilaadeu, “Gai goodou e hagataba bolo au goai?” Peter ne hai ange, “Go koe donu de Klisdo.”

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Romans 1:3

go de longo danuaa e tala ai laa dagodo o dana Dama Daane, gai ne haanau mai i de aamuli o David,

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

John 20:28

Thomas ne hai ange gi de ia, “Dogu Dagi Maolunga, gai go dogu Maadua!”

John 1:41

Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo).

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Acts 8:36

Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [

Mark 1:1

Deenei taamada de longo danuaa o Iesu Klisdo, Tama Daane a de Maadua.

John 10:36

Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’?

Ephesians 4:13

ga dae ai gi taadeu maua alodahi gi buni i de gai, ma de iloo mee o Tama Daane a de Maadua, gai gu maatua abodonu i de gai, bei dagodo de honu abodonu o Klisdo;

1 John 4:16

Gai gidaadeu gu iloo ma de hagadonusia de aloha o de Maadua i gidaadeu. De Maadua go de aloha, gai tangada e mouli i de aloha e noho i lodo o de Maadua, gai de Maadua e noho i ono lodo.