John 6:68 - De Beebaa Dabu

⁶⁸ Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

John 6:68 Referans Kwoze

Psalm 73:25

E deai ange donu sogu bale i de langi, go koe donu huu! Gai e deai ange donu se mee oogu e lodo ai i henua i lalo, go koe donu huu!

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Acts 5:20

“Goodou hulo gi lo te temple mage daalaa ange ai gi dangada muna o de mouli.”

Acts 7:38

Deenei de ia ne hano laa madali de hagabuulingaa dangada o Israel i de vao, madali tangada de langi ne basa ange laa gi de ia i de mounga go Sinai, madali odaadeu dubuna madagidagi. Gai go ia ne gaavee muna o de mouli ga gaamai gi gidaadeu.

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

Mark 8:29

Gai ia ga ssili ange gi gilaadeu, “Gai goodou e hagataba bolo au goai?” Peter ne hai ange, “Go koe donu de Klisdo.”

Luke 9:20

Gai Iesu ga ssili ange hogi gi gilaadeu, “Gai goodou e hagataba bolo au goai?” Gai Peter ga hai ange, “Go koe donu de Klisdo a de Maadua.”

John 12:49

Gai au tee basa i dogu sauaa donu huu, gai go Tamana donu ne haia nei au gi humai ne daalaa mai agu muna e tala ma dagu hai e tala ai.

John 12:50

Gai au e iloo bolo ana muna e tala go de mouli e dee ngado mai donu. Deelaa ai, agu muna e tala nei e tala donu bei de hai a Tamana gu tala mai ai gi de au.”

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

Acts 8:37

Philip ne hai ange gi de ia, “Noo koe e hagadonusia i oo lodo alodahi, gai koe e maua donu.” Gai de eunuch ga hai ange, “Au e hagadonusia bolo Iesu Klisdo go Tama Daane a de Maadua.”]