John 6:39 - De Beebaa Dabu

³⁹ Gai deenei de mee o de ia ne haia nei au gi humai e lodo ai, au gi dee dilia dahi gilaadeu aana gu gaamai gi de au, aagai gi hagamouli ina age gilaadeu i de laangi hagaodi.

John 6:39 Referans Kwoze

John 17:12

De masavaa oogu ne noho ai madali gilaadeu, gai au ne buibui gilaadeu i ssauaa o doo ingoo aau ne gaamai laa gi de au; au ne dagitilo ga buibui gilaadeu, gai teai donu se gilaadeu ne tili, go de ia donu huu gu hagailonga ange laa gi de magau e dee ngado mai, e hagassula muna a de Beebaa Dabu.

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

John 18:9

(De mee nei ne hai e hagassula ai ana muna gu tala laa, “Au tee tili donu dahi gilaadeu aau ne gaamai gi de au.”)

John 6:54

Be goai e gaina dogu angaanga ma de unu ogu dodo e dagodo donu de mouli e dee ngado mai i ono daha, gai au e hagamouli age naa ia i de laangi hagaodi.

John 6:44

E deai donu se dangada daudahi e maua i de humai gi de au, noo Tamana ne haia au gi humai e dee haia ia gi humai gi de au, gai au ga hagamouli age ia i de laangi hagaodi.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Matthew 18:14

E bei ai hogi lodo o doodou Damana i de langi laa, ia e dee lodo donu gi magau dahi dangada maolalo bee nei.

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

John 12:48

Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

John 5:28

Goodou gi dee lele oodou mouli i de mee nei; go hiidinga e dae mai naa de aoaa o de gau maakau alodahi i lodo daanunga e langona ai dono leo,

1 Samuel 25:29

Gai noo dahi dangada e doolohi goe e daa gi magau, gai Tagi Maolunga doo Maadua gi buibui ina de mouli o dogu dangada aamua, bei de mee hagamogomogo e saabini laa. Aagai mouli o oo hagadaumee e maga naa gi daha, bei de hadu i lo te buada.

Jeremiah 23:4

Au e hili naa hanu dangada hagaloosi gi diiloo ange gilaadeu, gai gilaadeu e dee maatagu ange naa donu, be e manavasaa olaadeu lodo, gai e deai naa hogi se gilaadeu e tili,” go Tagi Maolunga e hagadaba.

Matthew 10:15

Ni muna abodonu aagu e hai adu nei gi goodou, Sodom ma Gomorrah e danuaa ange i de aduhale laa i de laangi hagamodu muna.

John 17:2

Koe gu gaavange gi de ia ssauaa i honga o dangada alodahi, gai ia ga gaavange ai de mouli e dee ngado mai gi gilaadeu alodahi aau gu gaavange gi de ia.

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

John 17:9

Au e dalodalo i gilaadeu; au e dee dalodalo i henua i lalo, aagai e dalodalo i gilaadeu aau gu gaamai gi de au, i hiidinga gilaadeu niiau donu.

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

1 Corinthians 6:14

De Maadua ne hagamouli ina age laa Tagi Maolunga, e hagamouli age naa hogi gidaadeu i dono sauaa.

James 5:15

Gai talodalo e hai i de gai e hagaieiangi donu tangada magi; gai Tagi Maolunga e hagaieiangi donu ia. Gai noo ia gu haisala, aagai ono haisala gu maatala.