John 5:39 - De Beebaa Dabu

³⁹ Goodou e kana ange ma e dau de Beebaa Dabu, i hiidinga goodou e maanadu bolo go muna nei oodou e maua ai de mouli e dee ngado mai. Gai go muna nei donu e daalaa hagadonu ogu dagodo,

John 5:39 Referans Kwoze

Luke 24:27

Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

Matthew 22:29

Aagai Iesu ne hai ange gi gilaadeu, “Goodou e dee heohi donu, i hiidinga goodou e dee iloo de Beebaa Dabu aabe go ssauaa o de Maadua.

Isaiah 34:16

Huugea age de beebaa a Tagi Maolunga, mage daulia: E deai naa donu se manu nei e dee maleva, de manu nei ma dono soa, go hiidinga ia gu lava donu i de tala muna nei, gai dono Hagasaalunga gu hagabuni mai gilaadeu.

Acts 13:27

Gai dangada ne nnoho i Jerusalem ma olaadeu dagi ne hagassula donu muna a denga pelaabisi e dau laa i laangi o Sabbath alodahi, i delaadeu hagabuu ange ssala gi de ia, i hiidinga gilaadeu tee madea ia be ne tonu ange gi muna laa.

John 5:46

Noo goodou e hagadonusia Moses, gai goodou e hagadonusia hogi au, go hiidinga ia ne sisi ogu dagodo.

Jeremiah 8:9

De gau heiangi e dookaa naa; gilaadeu e maatagu naa ma de booboogia mai. Tilo, gilaadeu ne kino i muna a Tagi Maolunga, gai e dahi ai naa olaadeu heiangi?

Romans 3:2

E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.

Mark 12:10

E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege;

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Romans 1:2

gu lava laa i dana hagatoo donu madagidagi i daho ono pelaabisi i de Beebaa Dabu,

Acts 26:27

De hodooligi go Agrippa, koe e hagadonusia muna a denga pelaabisi? Au e iloo bolo koe e hagadonusia donu.”

John 7:52

Gai gilaadeu ga hai ange gi de ia, “E aha, koe se dangada Galilee hogi? Saalaa, gai koe e gidee naa bolo tigi ai donu se pelaabisi daudahi ne humai i Galilee.”

John 5:32

Gai e Dahi ange e daalaa hagadonu ogu dagodo, gai au e iloo bolo ana muna e tala ai ogu dagodo ni muna abodonu.

Psalm 36:9

Go koe e daamada mai ai de mouli; gai go doo maalama amaadeu e gidee ai de maalama.

Deuteronomy 18:18

Au e hagasula age naa dahi pelaabisi bei goe i magavaa olaadeu daina donu. Gai au e hhao ange naa agu muna gi lo tono ngudu, gai ia ga tala ange ai gi gilaadeu agu muna gu tala ange gi de ia.

Deuteronomy 18:15

Gai Tagi Maolunga doodou Maadua e hagasula age naa dahi pelaabisi bei ogu dagodo i oodou magavaa, ia se daina donu niiodou. Goodou hagallongo ange gi de ia.

John 5:36

Gai e dahi mee e daalaa hagadonu ogu dagodo e kii ange i de tala hagadonu a John. Go hegau a dogu Damana ne gaamai au gi haia gi lava — go agu hegau donu e hai nei — mee nei e tala hagadonu bolo go Tamana ne haia nei au gi humai.

Psalm 119:11

Au e doange au muna i ogu lodo, gi dee haisala adu ai au gi de goe.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Luke 16:31

Abraham ga hai ange gi de ia, ‘Noo gilaadeu e dee hagallongo muna a Moses ma denga pelaabisi, aagai gilaadeu e dee hagallongo naa hogi muna a dahi dangada gu mouli age laa mai i de magau.’ ”

Proverbs 6:23

Go hiidinga de muna nei e bei de laama, gai de agoago nei se mee hagamaalama; gai doo hagaheohi ina e hagaabo ange goe gi de haiava o de mouli,

Joshua 1:8

Koe gi dee dilia muna i de beebaa o denga hainga nei, aagai koe gi hagamaumau ina ga maanadu mee nei i de laangi ma de boo, ma de kana ange ga daudali i mee alodahi e sisi ai, gi hagadagadaga age ai goe ma de sula i mee alodahi aau e hai.

Deuteronomy 32:47

Gai e dee ni ngadi muna donu huu e tala adu gi goodou, aagai go doodou mee donu e mouli ai. Gai go muna nei oodou e mouli ai ga daulooloa, i de henua oodou ga hulo naa e kave i baasi i dai o Jordan.”

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

Luke 16:29

Aagai Abraham ne hai ange gi de ia, ‘Muna a Moses ma denga pelaabisi e daakodo i olaadeu daha; gilaadeu gi hagalaangona alaadeu muna.’

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Psalm 21:4

Ia ne dangidangi adu i de mouli, gai koe ga gaavange gi de ia, de mouli daulooloa ga hano ai e dee ngado mai.

Psalm 1:2

Aagai ia e malangilangi i hainga a Tagi Maolunga, ma de maanadu ana hainga i de laangi ma de boo.

Psalm 133:3

Gai e bei de mee maluulu o Hermon, e hano iho laa gi honga de mounga go Zion. Go kilaa a Tagi Maolunga e hagamanuuia ai; go kilaa hogi iai de mouli e dee ngado mai.

Hebrews 11:35

Denga haahine ne gidee de mouli age o olaadeu dangada maakau. Hanu ne hagaduasala, gai tee llodo e hagaola gilaadeu, gi maua ai e gilaadeu i de kave de mouli age e kii ange laa tanuaa.

Deuteronomy 29:29

Mee e dee iloo nii Tagi Maolunga taadeu Maadua, aagai mee gu iloo niidaadeu ma adaadeu dama ga hano ai e dee ngado mai, gi maua ai e gidaadeu i de daudali i muna alodahi o de hainga nei.

Luke 24:25

Gai Iesu ga hai ange gi gilaau, “Goodou ni dangada llodo ssenga, aama de mmule doodou hagadonusia mee alodahi a denga pelaabisi gu tala!

John 5:40

aagai goodou e dee llodo e loomai gi de au gi maua ai e goodou de mouli.

Mark 10:3

Iesu ne ssili ange hogi gi gilaadeu, “Gai aahee muna a Moses gu tala adu gi goodou?”