John 5:28 - De Beebaa Dabu

²⁸ Goodou gi dee lele oodou mouli i de mee nei; go hiidinga e dae mai naa de aoaa o de gau maakau alodahi i lodo daanunga e langona ai dono leo,

John 5:28 Referans Kwoze

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

1 Corinthians 15:22

Dangada alodahi ne maakau i hiidinga o Adam, gai e bei ai hogi, dangada alodahi e mouli age i hiidinga o Klisdo.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

John 3:7

Aude lele oo mouli i dagu hai adu gi de goe bolo koe gi ahe ange gi haanau hoou.

John 5:20

Go hiidinga Tamana e aloha i Tama, ma de hagaago ange gi de ia mee alodahi aana e hai. Ia e hagaago ange naa donu gi de ia mee e hagalele mouli ange i mee nei, gai gi llele ai oodou mouli.

John 4:21

Iesu ne hai ange gi de ia, “De hine, hagadonusia agu muna, e dahi naa donu masavaa oodou e dee daumaha ange ai gi Tamana i de mounga nei aabe go Jerusalem.

Acts 3:12

Gai ga gidee huu e Peter mee nei, gai ia ga hai ange gi dangada, “Denga daane o Israel, gu aha gu llele ai naa oodou mouli i mee nei? Gai gu aha gu haaina ai naa goodou gimaau, e dagodo be go gimaau ne haia ga seesee taane nei i omaau sauaa ma omaau danuaa donu huu?

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

John 4:23

Gai e dae mai naa de masavaa, gai go iainei donu de masavaa, olaadeu e daumaha i de muna abodonu e daumaha ange ai gi Tamana i de hagasaalunga ma de muna abodonu, go hiidinga aanei donu gilaadeu a Tamana e ssala gi daumaha ange gi de ia.

John 5:25

Ni muna abodonu, ni muna abodonu aagu e hai adu nei gi goodou, gu dae mai donu de aoaa a de gau maakau e langona ai de leo o Tama Daane a de Maadua; gai gilaadeu alodahi e langona e mouli age naa.

Acts 24:15

gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi.