John 5:17 - De Beebaa Dabu

¹⁷ Aagai Iesu ne hai ange gi gilaadeu, “Dogu damana e hai hegau ga dae mai ai gi iainei, gai au e hai hegau hogi.”

John 5:17 Referans Kwoze

John 14:10

Koe e dee hagadonusia bolo au e noho i lodo o Tamana, gai Tamana e noho i ogu lodo? Au e dee tala adu muna nei i dogu sauaa donu huu, aagai go Tamana e noho laa i ogu lodo e hai hegau i ogu daha.

John 9:4

De masavaa e ao ai de mee, gai gidaadeu e hagaduu ngae e hagalava hegau a de ia ne haia ngau gi humai. Gu baa mai de boo, go de masavaa e dee hai hegau ai dangada.

Colossians 1:16

Gai go ia hogi ne haia mee alodahi i lo te langi ma honga henua i lalo, mee e gidee ma mee e dee gidee; bei denga nohoanga hodooligi, ma gilaadeu e mmahi, ma gilaadeu e dagi, ma gilaadeu iai ssauaa e dagi ai; mee alodahi go ia ne haia gai ne hai ange donu gi de ia.

1 Corinthians 12:6

e lagolago donu hagadaagangaa duuhanga hegau, aagai e dahi donu huu Maadua, e hagahai hegau ina mee nei alodahi i daho dahi ma dahi.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Acts 17:28

Go hiidinga ‘go ia odaadeu e mouli ai ma de ngalungalue aama de nnoho ai nei’. Bei de hai a hanu oodou dangada e haia denga dau gu tala ai laa, ‘Gidaadeu go dono hagadiilinga.’

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Acts 14:17

Aagai ia ne hai donu gi dahi mee e hagadonu ai ono dagodo: ia ne abodonu adu gi goodou i dana gaavadu gi goodou de langi pala mai i de langi ma denga huamanu i de masavaa e hhua ai; ia ne hai gi boobosu goodou i de gaimee ma de hai gi malangilangi oodou lodo.”

Matthew 10:29

E aha, e dee se dahi sseene donu huu e hagao ai e lua sparrow? Gai e deai donu se gilaadeu e doo iho gi honga de gelegele, gai doodou Damana e dee iloo.

Psalm 65:6

Koe ne hagatuu denga mounga i oo mahi, ma de hagahai hegau oo mahi;

John 5:16

Deenei de hiidinga a de gau Ssuu ne vaivai hai ai laa Iesu, go hiidinga ia ne hai mee nei i de laangi o Sabbath.

John 5:18

Deelaa ai, de gau Ssuu ne hagammahi ai laa e ssala de hai e daa ai ia gi magau; i hiidinga ia tee oha donu huu de laangi o Sabbath, aagai ia ne hagadaba bolo de Maadua go dono Damana, ia ne hagahedae ange ia gi de Maadua.

John 10:36

Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’?

1 Thessalonians 2:13

Gimaadeu e hagaahe ange hogi de abodonu gi de Maadua i masavaa alodahi, go hiidinga de masavaa oodou ne kave ai muna a de Maadua oodou ne langona laa i omaadeu daha, gai goodou tee kave bei dagodo muna a dangada, aagai ne kave bei ono dagodo donu, go muna a de Maadua, gai gu hai hegau i lodo o oodou gu hagadonusia laa.