John 4:6 - De Beebaa Dabu

⁶ Gai dahi vai geli a Jacob i kilaa, gai Iesu gu dalea i dono seesee mai, gai ia ne noho i gaogao de vai geli laa. Gai gu dai daa tuele i de masavaa laa.

John 4:6 Referans Kwoze

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Matthew 8:24

Gai tilo, gu ssau mai de madangi mmahi gi honga de vai laa, gai delaadeu boose gu dai abulu. Aagai Iesu e seni.

Matthew 27:45

Gai gu hagagohu honga de henua alodahi i de daa tuele ga dae ai gi tolu i de ahiahi.

Matthew 4:2

Gai ia tee gaimee i e madahaa laangi ma e madahaa boo, gai ia gu saalohia.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

John 11:9

Iesu ne hai ange, “E aha, e dee madaangahulu ma lua aoaa e ao ai de mee? Tangada e seesee i de laangi e dee baguu, go hiidinga ia e gidee de maalama o henua i lalo.

Luke 9:58

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Luke 2:7

Gai ia ga haanau dana dama daane madua, ga saabini i de malo saabini ga hagadagodo i de mommee gaimee o denga manu, go hiidinga gu deai selaadeu mommee i de hale gaainga.

John 4:5

Gai ia ne hano ga noho i dahi aduhale o Samaria, e hagaingoo ange laa go Sychar, se mommee e baa ange gi de alahenua a Jacob ne gaavange gi dana dama go Joseph.

John 4:7

Gai gu humai dahi hahine Samaria e asu vai, gai Iesu ga hai ange gi de ia, “Aude haihaia gaamai hanu vai e unu au.”

John 4:12

Koe e maolunga ange naa i demaadeu dubuna go Jacob, de ia ne gaamai gi gimaadeu de vai geli nei, gai ia ma ana dama ma ana manu ne unu ai hogi?”