John 4:31 - De Beebaa Dabu

³¹ De masavaa laa, gai ana dangada agoago ga hai ange gi de ia, “Tangada agoago, gaimee.”

John 4:31 Referans Kwoze

John 1:38

Gai Iesu ga huli dua gu gidee e ia gilaau e daudali ange i de ia, gai ia ga ssili ange, “Se aha ooluu e ssala?” Gilaau ne hai ange gi de ia, “Rabbi (e bei Tangada Agoago), go hee oou e noho ai naa?”

Genesis 24:33

Gai de masavaa huu ne gaamai ai denga gai ga dugu ange gi mada i mua o taane laa, gai ia ga hai ange, “Au e dee maua i de gaimee ga dae ai gi dagu tala adu dagodo o de hegau oogu ne humai ai nei.” Laban ne hai ange, “Daalaa mai au muna.”

Matthew 23:7

gilaadeu e llodo dangada gi hagaboo ange gi gilaadeu i denga mommee hagao mee, ma de hagahi ange ‘tangada agoago’ gi gilaadeu.

Matthew 23:8

Aagai e dee hai dangada gi hagaagahia adu ‘tangada agoago’ gi goodou, i hiidinga e dahi donu huu oodou dangada agoago, gai goodou alodahi ni hai daina.

Matthew 26:25

Gai Judas, de ia ne gaavange laa ia ga ssili ange, “Tangada Agoago, go au oou e basa ai naa?” Iesu ne hai ange gi de ia, “Deenaa aau e hagadaba ai naa.”

Matthew 26:49

Aagai ia ne humai gi Iesu ga hai ange, “Tangada Agoago, de ahiahi danuaa!”, gai ia ga oso Iesu.

Mark 9:5

Gai Peter ne hai ange gi Iesu, “Tangada agoago, e danuaa taadeu nnoho i kinei! Gidaadeu ga hagatuu e dolu baasi hale; e dahi oou, e dahi o Moses, gai e dahi o Elijah.”

Mark 11:21

Gai Peter gu manadua e ia mee ne hai laa, gai ia ga hai ange gi Iesu, “Tangada agoago, galo ange diiloo! De fig aau ne hagamalaia laa gu made!”

Mark 14:45

De masavaa o Judas ne dae mai ai, gai ia ne humai ga hagabaa ange gi de ia, ga hai ange, “Tangada Agoago!” gai ia ga oso Iesu.

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

John 3:26

Gai gilaadeu ne loomai gi daho John, ga hai ange, “Tangada agoago, taane nogo madali goe i de baasi laa o Jordan, gai koe gu tala hagadonu ono dagodo — tilo, ia e babudaisi hogi dangada, gai dangada alodahi gu hulo gi ono daha.”

John 4:30

Gai gu loomai dangada i de aduhale e hulo e hedae ange gi de ia.

John 4:32

Aagai Iesu ne hai ange gi gilaadeu, “E hanu agu gai e gai oodou e dee iloo.”

John 6:25

De masavaa a dangada ne gidee ai ia i de baasi laa o de vai, gai gilaadeu ga ssili ange gi de ia, “Tangada Agoago, go ana hee oou ne humai ai naa gi kinei?”

John 9:2

Gai ana dangada agoago ga ssili ange gi de ia, “Tangada Agoago, niioai baubau ne tee gide ai nei taane nei, niiona aabe niio luoono maadua?”

John 11:8

Gai gilaadeu ne hai ange gi de ia, “Tangada Agoago, de gau Ssuu ne hagatale de maga goe i hadu i kilaa, gai koe ga ahe ange naa hogi gi de mommee mau?”