John 4:21 - De Beebaa Dabu

²¹ Iesu ne hai ange gi de ia, “De hine, hagadonusia agu muna, e dahi naa donu masavaa oodou e dee daumaha ange ai gi Tamana i de mounga nei aabe go Jerusalem.

John 4:21 Referans Kwoze

1 Timothy 2:8

Au e lodo denga daane i mommee alodahi gi haalo ina olaadeu lima dabu gi dalodalo ai, gilaadeu gi dee lili aabe gi hagadaumee.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

John 4:23

Gai e dae mai naa de masavaa, gai go iainei donu de masavaa, olaadeu e daumaha i de muna abodonu e daumaha ange ai gi Tamana i de hagasaalunga ma de muna abodonu, go hiidinga aanei donu gilaadeu a Tamana e ssala gi daumaha ange gi de ia.

Matthew 18:20

Gai be go hee naa huu e buni ai e dogolua aabe dogodolu i dogu ingoo, gai au e noho hogi i olaadeu daha.”

Ephesians 3:14

Deenei ai, au e duuduli i mada luu mada o Tamana,

John 16:32

E dae mai naa de aoaa, gai gu dae mai donu, de masavaa laa gai goodou e mavaevae saele naa, dahi ma dahi e ahe naa gi dono hale gai ga tili au. Gai au e dee daudahi donu, go hiidinga Tamana e noho madali au.

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

John 5:28

Goodou gi dee lele oodou mouli i de mee nei; go hiidinga e dae mai naa de aoaa o de gau maakau alodahi i lodo daanunga e langona ai dono leo,

Ezekiel 14:3

“Tama a tangada, denga daane naa e daudali i denga diinonga i olaadeu lodo, ma de daumaha ange gi de mee e haia ga haisala gilaadeu. E aha, e heohi dagu dugu ange gilaadeu gi siilia mai dahi mee daudahi gi de au?

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

Acts 6:14

gimaadeu gu langona ia e hagadaba bolo Iesu taane Nazareth e oha naa de mommee nei, ma de sui denga dahulinga a Moses gu gaamai gi gidaadeu.”

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 5:25

Ni muna abodonu, ni muna abodonu aagu e hai adu nei gi goodou, gu dae mai donu de aoaa a de gau maakau e langona ai de leo o Tama Daane a de Maadua; gai gilaadeu alodahi e langona e mouli age naa.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Ezekiel 20:3

“Tama a tangada, daalaa ange gi dagi o Israel, hai ange, ‘E hagadaba de Ia Aamua go Iahweh: Goodou gu loomai e ssili hanu mee i ogu daha? Au e hagatoo donu i dogu mouli, go de Ia Aamua go Iahweh e hagadaba: au e dee dugu adu donu goodou gi siilia mai dahi mee daudahi gi de au, go de Ia Aamua go Iahweh e hagadaba.’

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Revelation 21:22

Gai au tee gidee dahi temple i lo te aduhale laa, go hiidinga de temple i kilaa go Tagi Maolunga de Maadua Mmahi Mmao laa aama Ssiibi Gauligi.