John 4:19 - De Beebaa Dabu

¹⁹ Gai de hine laa ga hai ange, “Tangada aamua, au e iloo bolo koe se pelaabisi.

John 4:19 Referans Kwoze

John 6:14

Gai ga gidee huu e dangada de hagailonga a Iesu ne hai laa, gai gilaadeu ga hagataba, “Ni muna abodonu, deenei donu de Pelaabisi gu tala laa bolo e humai gi henua i lalo!”

Luke 7:39

Gai de masavaa huu a de Pharisee laa ne gidee ai mee gu hai laa, gai ia ga maanadu i ono lodo ga hagadaba, “Noo se pelaabisi abodonu taane nei, gai ia e iloo donu dagodo o de hine e boogia ange nei ia. Ia se hine haisala!”

John 9:17

Gai gilaadeu ga ssili ange hogi gi taane nogo dee gide laa, “Gai dee hee dau hai e tala ai dagodo o taane laa, i hiidinga go ia ne haia goe ga gide?” Ia ne hai ange, “Ia se pelaabisi.”

Luke 7:16

Aagai dangada alodahi i kilaa gu maatagu mmao, gai gilaadeu ga tuhi de Maadua ga hagataba, “Dahi pelaabisi maolunga gu humai gi odaadeu daha, gai de Maadua gu humai gi daho ono dangada!”

John 7:40

Gai ga langona huu e dangada soa muna laa, gai hanu gilaadeu ga hagataba, “Deenei donu de Pelaabisi laa.”

Matthew 21:11

Gai dangada soa laa ga hai ange, “Deenei Iesu, de pelaabisi mai i Nazareth o Galilee.”

Luke 24:19

Ia ne ssili ange gi gilaau, “Ni aha gu hai?” Gilaau ne hai ange gi de ia, “Go mee gu hai ange laa gi Iesu taane Nazareth; ia se pelaabisi e sauaa ana muna ma ana hegau i mada luu mada o de Maadua aama dangada alodahi.

2 Kings 6:12

Gai dahi dagi ga hai ange, “Demaadeu dangada aamua go de hodooligi, e dee go gimaadeu, gai go Elisha, de pelaabisi e noho laa i Israel, e daalaa ange laa gi de hodooligi o Israel denga muna aau e tala i lo too aabi seni!”

2 Kings 5:26

Aagai Elisha ne hai ange gi de ia, “Dogu hagasaalunga ne hano madali goe, i de masavaa o taane laa ne iho mai ai i honga dono hada ga hedae adu gi de goe. E aha, deenei de masavaa e kave ai sseene, ma malo, ma veelengaa olive ma veelengaa grape, ma ssiibi, ma kaau aama daane ma haahine hai hegau?

John 4:29

“Goodou loomai diiloo taane ne daalaa mai nei mee alodahi aagu gu hai. E dee deenei de Klisdo?”

Deuteronomy 18:15

Gai Tagi Maolunga doodou Maadua e hagasula age naa dahi pelaabisi bei ogu dagodo i oodou magavaa, ia se daina donu niiodou. Goodou hagallongo ange gi de ia.

John 4:18

Gai tagodo donu, koe gu dogolima oo bodu, gai taane oou e noho ai naa iainei e dee se bodu niiou. Se muna abodonu aau gu tala mai naa.”