John 21:19 - De Beebaa Dabu

¹⁹ (Iesu ne tala muna nei e hagaago mai ai de hai o Peter e magau ai, gai ia ga hagamahamaha ai de Maadua.) Dua de mee nei gai Iesu ga hai ange gi Peter, “Daudali mai i de au.”

John 21:19 Referans Kwoze

2 Peter 1:14

go hiidinga au e iloo bolo gu baa mai donu dogu hano gee i de angaanga nei, bei de hai a taadeu Dagi Maolunga go Iesu Klisdo gu hagaago mai ai gi de au.

John 21:22

Iesu ne hai ange gi de ia, “Noo au e lodo taane naa gi mouli ga dae ai gi dogu ahe mai, gai ni aha aau e hai ai? Koe daudali mai donu huu i de au!”

Matthew 10:38

Be goai e dee hagauda ina dono laagau lui e daudali mai ai i de au, gai ia e dee bau ange gi de hagabinga bolo se dangada niiogu.

Philippians 1:20

Gai dagu tali ma dagu tali hagalodolodo bolo au e dee dogaa naa donu i dahi mee daudahi, aagai au e lo taane iainei aama masavaa alodahi i de hagamahamaha Klisdo i dogu angaanga nei, e dee hilihili be au e mouli aabe e magau.

John 12:33

Gai ia ne tala muna nei e hagaago ange ai dono hai e magau ai.

1 Samuel 12:20

Gai Samuel ga hai ange gi dangada, “Goodou aude maatagu. Goodou gu hai donu de hegau baubau nei, gai goodou aude daahuli gee mai i de daudali ange i Tagi Maolunga, aagai daumaha ange gi Tagi Maolunga i oodou lodo alodahi.

John 18:32

(De mee nei ne hai e hagassula ai muna a Iesu gu tala ai laa dagodo o dono hai e magau ai.)

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Numbers 14:24

Aagai au e kave naa dogu dangada hai hegau go Caleb gi dae gi de henua oona ne hano laa aagena, gai ono hagadiilinga alodahi e henua ai naa i de henua laa, i hiidinga ia e dagodo gee ono lodo, gai ia ne daudali mai i de au i ono lodo alodahi.

Matthew 8:22

Aagai Iesu ne hai ange gi de ia, “Daudali mai i de au, gai dugua ange gilaadeu e maakau gi danumia alaadeu maakau.”

John 21:18

Ni muna abodonu, ni muna abodonu aagu e hai adu nei gi de goe, doo masavaa e dama daane ai, gai koe e nnoa doo ungaalodo i doo beele, ga hano be go hee oou e lodo e hano aagena. Gai doo masavaa naa huu e madumadua ai, gai koe e haalo naa luoo lima, gai dahi dangada gee ga nnoa doo ungaalodo i de beele, ga dagi goe gi de mommee oou e dee lodo e hano aagena.”