John 21:18 - De Beebaa Dabu

¹⁸ Ni muna abodonu, ni muna abodonu aagu e hai adu nei gi de goe, doo masavaa e dama daane ai, gai koe e nnoa doo ungaalodo i doo beele, ga hano be go hee oou e lodo e hano aagena. Gai doo masavaa naa huu e madumadua ai, gai koe e haalo naa luoo lima, gai dahi dangada gee ga nnoa doo ungaalodo i de beele, ga dagi goe gi de mommee oou e dee lodo e hano aagena.”

John 21:18 Referans Kwoze

John 13:36

Simon Peter ne ssili ange gi de ia, “Tagi Maolunga, go hee oou ga hano naa aagena?” Iesu ne hai ange, “Iainei gai koe tigi maua i de daudali mai i de au gi de mommee oogu ga hano nei aagena, aagai koe e daudali mai naa i muli mai.”

Acts 21:11

Ia ne humai gi omaadeu daha, ga kave de beele o Paul ga nnoa ai luoono lima ma luoono vae, ga hagadaba, “E hagadaba de Hagasaalunga Dabu, ‘De gau Ssuu i Jerusalem e nnoa naa tangada niiona de beele nei, ga gaavange ia gi denga Gentile.’ ”

2 Corinthians 5:4

De masavaa odaadeu e mouli ai i lo te hale malo nei, gai gidaadeu e duasala ma de daemaha — e dee go hiidinga gidaadeu e llodo gi gaavee gee odaadeu angaanga nei, aagai gidaadeu e llodo e kahu i de hale ange laa, gai de angaanga magaugau nei e sui naa ga se angaanga e mouli.

Luke 12:37

E manuuia de gau hai hegau a tangada aamua e humai ga gidee bolo gilaadeu e dagitilo, i de masavaa oona e dae mai ai. Ni muna abodonu aagu e hai adu nei gi goodou, ia e gahu naa ga hagadabena ga hai gilaadeu gi hakaogao i teebele gi gaimee ai, gai ia ga gaavange alaadeu gai.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

John 21:19

(Iesu ne tala muna nei e hagaago mai ai de hai o Peter e magau ai, gai ia ga hagamahamaha ai de Maadua.) Dua de mee nei gai Iesu ga hai ange gi Peter, “Daudali mai i de au.”