John 21:12 - De Beebaa Dabu

¹² Gai Iesu ga hai ange gi gilaadeu, “Goodou loomai gaimee.” Gai teai donu se gilaadeu ne maua i de ssili ange gi de ia, “Go koe goai?” Gai gilaadeu gu iloo donu bolo go Tagi Maolunga deelaa.

John 21:12 Referans Kwoze

Acts 10:41

Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau.

John 16:19

Gai Iesu gu iloo e ia bolo gilaadeu e llodo e ssili ange gi de ia dagodo o de mee laa, gai ia ga hai ange gi gilaadeu, “Goodou e hagadau ssili be dee hee de hagadoonunga o agu muna i dagu hai adu, ‘E dee mmule naa donu gai goodou gu dee gidee au, gai e dee mmule naa hogi gai goodou gu gidee ange hogi au’?

John 21:15

Gai ga lava huu olaadeu gaimee, gai Iesu ga ssili ange gi Simon Peter, “Simon tama daane a John, koe e kii ange doo aloha i de au i de gau ange nei?” Peter ne hai ange, “Uaa, Tagi Maolunga; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi gauligi.”

Mark 9:32

Aagai gilaadeu tee tonu ange gi ana muna, gai ne maatagu i de ssili ange gi de ia.

John 4:27

De masavaa laa gai gu ahe mai ana dangada agoago i de aduhale, gai gilaadeu gu llele mouli i delaadeu gide ia e basa ange gi dahi hahine. Aagai e deai se gilaadeu ne siilia ange, “Se aha oou e lodo ai?” aabe “Gu aha gu basa ange ai naa goe gi de hine naa?”

Luke 9:45

Gai gilaadeu tee tonu ange gi muna laa, go hiidinga mee laa gu hagammuni gi dee tonu ange gilaadeu aagena. Gai gilaadeu ne maatagu i de ssili ange gi de ia de hagadoonunga o muna laa.

Matthew 22:46

Gai teai donu se gilaadeu ne maua i de basa ange gi dana muna ssili, gai teai ange donu se dangada ne siilia ange hanu muna gi de ia i dua de laangi laa.

John 21:11

Gai Simon Peter ga gage age ange gi lo te boose ga dada age de galauna gi gabugabu tai. Gai gu honu baabaa i denga mamu nnui, se 153 mamu laa alodahi. Aagai delaadeu galauna tee masae donu, e dee galemu donu de lagolago alaadeu mamu ne mau.