John 20:28 - De Beebaa Dabu

²⁸ Thomas ne hai ange gi de ia, “Dogu Dagi Maolunga, gai go dogu Maadua!”

John 20:28 Referans Kwoze

John 1:1

De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Matthew 14:33

Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

Luke 24:52

Gai gilaadeu ga daumaha ange gi de ia, ga lava ga aahe gi Jerusalem gu malangilangi mmao.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

John 20:16

Iesu ne hai ange, “Mary.” Gai de hine laa ga huli dua ga hai ange i muna Aramaic, “Rabboni!” (e bei “Tangada Agoago”).

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Psalm 45:6

De Maadua, doo nohoanga e dagodo ga hano ai e dee ngado mai. De laagau o doo nohoanga hodooligi go de laagau o de hagamodu heohi.

Psalm 45:11

gai de hodooligi ga malangilangi i doo mahamaha. Koe gi ino ange gi de ia, i hiidinga go ia doo dangada aamua.

John 20:27

Gai ia ga hai ange gi Thomas, “Dugua mai doo madannia gi kinei, gai galo ange diiloo luoogu lima. Haalo ina mai doo lima mage dugua ange gi dogu gaogao. Aude lua lodo gai hagadonusia.”

John 20:29

Iesu ne hai ange gi de ia, “Koe ne hagadonusia donu huu i hiidinga koe gu gidee au. E manuuia tangada tigi gidee gai e hagadonusia!”