John 20:27 - De Beebaa Dabu

²⁷ Gai ia ga hai ange gi Thomas, “Dugua mai doo madannia gi kinei, gai galo ange diiloo luoogu lima. Haalo ina mai doo lima mage dugua ange gi dogu gaogao. Aude lua lodo gai hagadonusia.”

John 20:27 Referans Kwoze

John 20:25

Deelaa ai, denga dangada agoago ange laa ne tala ange ga hai ange, “Gimaadeu gu gidee Tagi Maolunga.” Gai ia ga hai ange gi gilaadeu, “Noo au e dee gidee denga duulanga o denga neele i lodo luoono alohi lima, ma de poo ange gi denga duulanga a neele laa, aama de velo ange dogu lima gi de haonga i dono gaogao, gai au e dee hagadonusia donu.”

John 20:20

Gai ga lava huu i dana tala ange muna nei, gai ia ga hagaago ange luoono lima ma dono gaogao gi gilaadeu. Gai ana dangada agoago gu malangilangi mmao i delaadeu gidee Tagi Maolunga.

Psalm 78:38

Aagai ia ne lodo aloha, ga degi ange gi olaadeu baubau, tee daa gilaadeu gi maakau. Ia tee modu donu de golomagi ono lodo i gilaadeu, tee hagahai hegau dono bole.

Romans 5:20

De hainga ne gaamai gi kii ange ai de laumalie de haisala. Aagai ga hagadaga ange naa donu de laumalie de haisala, gai de abodonu o de Maadua e kii ange donu de laumalie.

Luke 24:40

Gai ga lava huu i dana tala ange de mee nei, gai ia ga hagaago ange luoono lima ma luoono vae gi gilaadeu.

Luke 9:41

Gai Iesu ne basa ange ga hai ange, “Goodou se atangada e dee hagadonusia ma de baubau! Dee hee maa taulooloa dogu noho madali goodou ma de golomagi ogu lodo i goodou? Gaamai dau dama daane gi kinei.”

Mark 9:19

Aagai Iesu ne basa ange ga hai ange gi gilaadeu, “Goodou se atangada e dee hagadonusia! Dee hee maa taulooloa dogu noho i oodou daha? Dee hee maa taulooloa de golomagi ogu lodo i goodou? Gaamai ia gi ogu daha!”

Matthew 17:17

Gai Iesu ne basa ange ga hai ange, “Goodou se atangada e dee hagadonusia ma de baubau, dee hee maa taulooloa dogu noho i oodou daha? Gai dee hee maa taulooloa de golomagi ogu lodo i goodou? Dagina mai ia gi ogu daha.”

Luke 24:39

Goodou kalo ange diiloo luoogu lima ma luoogu vae, go au donu deenei. Goodou boogia mai au ma gi diiloo. De hagasaalunga e deai ono kano be ni ivi bei doodou hai e gide ai naa mee nei i dogu angaanga.”

John 20:28

Thomas ne hai ange gi de ia, “Dogu Dagi Maolunga, gai go dogu Maadua!”