John 20:26 - De Beebaa Dabu

²⁶ Gai dua huu e valu laangi, gai denga dangada agoago gu nnoho hogi i de hale, gai Thomas gu noho madali gilaadeu. Gai denga abaaba gu pono, aagai Iesu ga humai ga duu i olaadeu magavaa, ga hai ange, “De baba gi dagodo i oodou daha.”

John 20:26 Referans Kwoze

John 20:19

Gai de ahiahi laa go de ahiahi o tahi laangi o de uvigi, gai denga dangada agoago gu hagamakaga delaadeu abaaba ma e nnoho ai, i hiidinga delaadeu maatagu i de gau Ssuu. Gai Iesu ga humai ga duu i olaadeu magavaa ga hai ange gi gilaadeu, “De baba gi dagodo i oodou daha.”

John 20:21

Gai Iesu ga hai ange hogi gi gilaadeu, “De baba gi dagodo i oodou daha. Tamana ne hai au gi humai, gai au e hai naa hogi goodou gi hulo.”

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

Luke 9:28

Gai ga valu huu laangi i dua de tala muna nei, gai Iesu ga kave Peter, ma John, aama James ga loage ai gilaadeu gi honga de mounga e dalodalo ai.

Matthew 17:1

Dua e ono laangi, gai Iesu ne kave madali ia Peter, ma James ma dono daina go John, ga hulo ai gi dahi mounga maolunga, e deai dangada iai.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Isaiah 26:12

Tagi Maolunga, koe gu hai gi nnoho paba gimaadeu; gai go koe gu hagassula mee alodahi amaadeu gu hai.

Isaiah 27:5

Gai noo gilaadeu e llodo e hai au go delaadeu buibui, gai gilaadeu gi hagadanuaa mai gi de au, gilaadeu gi hagadanuaa mai gi de au.”

Mark 16:14

Muli mai gai Iesu ne hakide ange gi tinoangahulu ma dogodahi, i de masavaa olaadeu e gaimee ai. Gai ia ga hagasee gilaadeu i delaadeu dee hagadonusia, ma de makaga olaadeu lodo, go hiidinga gilaadeu tee hagadonusia muna a dangada ne gidee ia i dua dono mouli age.

Luke 24:36

De masavaa alaau e tala ai muna nei, gai Iesu gu duu i olaadeu magavaa, ga hai ange gi gilaadeu, “De baba gi dagodo i oodou daha.”

John 11:16

Gai Thomas (e hagaingoo ange laa hogi go Didymus) ne hai ange gi denga dangada agoago ange laa, “Gidaadeu ga hulo hogi, gi maakau ai gidaadeu madali ia.”

John 21:1

Dua mee laa, gai Iesu ne hakide ange hogi gi hanu ana dangada agoago i gaogao de Vai o Tiberias. Deenei dono hai ne hakide ange ai gi gilaadeu.

John 21:14

Deenei tolu hanonga o Iesu ne hakide ange ai gi ana dangada agoago i dua dono mouli age.

Acts 1:3

Ia ne hagaago ange gi gilaadeu i hanonga lagolago bolo ia gu mouli age abodonu, i dua dono hagaduasala, ma de hakide ange gi gilaadeu i e madahaa laangi, ga agoago ange gilaadeu i dagodo o de nohoanga hodooligi o de Maadua.