John 20:19 - De Beebaa Dabu

¹⁹ Gai de ahiahi laa go de ahiahi o tahi laangi o de uvigi, gai denga dangada agoago gu hagamakaga delaadeu abaaba ma e nnoho ai, i hiidinga delaadeu maatagu i de gau Ssuu. Gai Iesu ga humai ga duu i olaadeu magavaa ga hai ange gi gilaadeu, “De baba gi dagodo i oodou daha.”

John 20:19 Referans Kwoze

John 20:26

Gai dua huu e valu laangi, gai denga dangada agoago gu nnoho hogi i de hale, gai Thomas gu noho madali gilaadeu. Gai denga abaaba gu pono, aagai Iesu ga humai ga duu i olaadeu magavaa, ga hai ange, “De baba gi dagodo i oodou daha.”

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

John 20:21

Gai Iesu ga hai ange hogi gi gilaadeu, “De baba gi dagodo i oodou daha. Tamana ne hai au gi humai, gai au e hai naa hogi goodou gi hulo.”

Ephesians 2:14

Gai go ia donu taadeu nnoho baba, gai ia ne hai ngaadahi luu hagabuulinga nei gi dahi donu huu, ma de oha iho de buibui o de hagadau kino e vaaea laa gidaadeu, i dono angaanga donu,

2 Thessalonians 3:16

Gai Tagi Maolunga o de baba gi gaavadu gi goodou de baba i masavaa alodahi ma mee alodahi. Tagi Maolunga gi noho i oodou daha alodahi.

John 7:13

Gai teai donu se dangada daudahi ne daalaa gi langona e dangada soa ana muna, go hiidinga gilaadeu e maatagu i de gau Ssuu.

Mark 16:14

Muli mai gai Iesu ne hakide ange gi tinoangahulu ma dogodahi, i de masavaa olaadeu e gaimee ai. Gai ia ga hagasee gilaadeu i delaadeu dee hagadonusia, ma de makaga olaadeu lodo, go hiidinga gilaadeu tee hagadonusia muna a dangada ne gidee ia i dua dono mouli age.

Revelation 1:4

Mai i daho John. Ange gi denga nohoanga dabu e hidu i Asia: De abodonu ma de nnoho paba gi dagodo i oodou daha, mai i daho de ia e noho laa iainei, gai gu noho mai huu madagidagi, gai gu dai humai naa hogi, ma mai i daho denga hagasaalunga e hidu i mada i mua o dono nohoanga hodooligi,

1 Corinthians 15:5

gai ia ne hakide ange gi Cephas, gai muli mai go tinoangahulu ma dogolua.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Hebrews 7:2

gai Abraham ne vvae ange gi de ia dahi diba i diba e madaangahulu o mee alodahi. Tahi mee deenei, de hagadoonunga o dono ingoo go “Hodooligi o de Heohi;” gai go ia hogi de “hodooligi o Salem” e bei go “de Hodooligi o de Baba.”

Philippians 1:2

De abodonu ma de baba mai i daho de Maadua taadeu Damana aama Iesu Klisdo Tagi Maolunga gi dagodo i oodou daha.

Ephesians 6:23

Denga daina, de baba gi dagodo i oodou daha, ma de aloha madali de gai mai i daho de Maadua Tamana aama Tagi Maolunga go Iesu Klisdo.

Romans 15:33

De Maadua o de baba gi noho i oodou daha alodahi. Amen.

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

Matthew 18:20

Gai be go hee naa huu e buni ai e dogolua aabe dogodolu i dogu ingoo, gai au e noho hogi i olaadeu daha.”

Matthew 10:13

Aagai noo dangada i kilaa e heohi ange aagena, aagai de baba i oodou daha gi dagodo i kilaa; aagai noo gilaadeu e deai, gai de baba i oodou naa gi ahe adu gi goodou.

Psalm 122:8

Au e hagadaba, “De baba gi dagodo i oo daha,” i hiidinga o ogu daina ma ogu soa.

John 21:1

Dua mee laa, gai Iesu ne hakide ange hogi gi hanu ana dangada agoago i gaogao de Vai o Tiberias. Deenei dono hai ne hakide ange ai gi gilaadeu.

John 21:14

Deenei tolu hanonga o Iesu ne hakide ange ai gi ana dangada agoago i dua dono mouli age.

Acts 1:3

Ia ne hagaago ange gi gilaadeu i hanonga lagolago bolo ia gu mouli age abodonu, i dua dono hagaduasala, ma de hakide ange gi gilaadeu i e madahaa laangi, ga agoago ange gilaadeu i dagodo o de nohoanga hodooligi o de Maadua.

3 John 1:14

Au e tali bolo e moolau naa donu taau hegide, gai gidaau ga madaangudu ai i taau hedae.