John 20:17 - De Beebaa Dabu

¹⁷ Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

John 20:17 Referans Kwoze

John 16:28

Au ne hano iho gi henua i lalo mai i daho Tamana. Gai iainei au ga hano gee nei i henua i lalo ga ahe gi daho Tamana.”

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

Galatians 3:26

Go hiidinga goodou alodahi gu ni dama nii de Maadua i doodou kai ange gi Klisdo Iesu.

John 17:11

Au gu dai hano gee i henua i lalo e ahe adu gi oo daha, gai gilaadeu e nnoho naa donu huu i henua i lalo. Tamana Dabu, buibuia gilaadeu i ssauaa o doo ingoo aau gu gaamai laa gi de au, gi buni ai gilaadeu gi dahi, bei odaau dagodo.

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Psalm 68:18

Koe ne hanage gi de mommee maolunga, ma de dagi de gau dee kii madali goe, koe ne kave mee ngadi gaavange mai i daho dangada; aama daho dangada hogi e hai baasi adu, gai koe, Tagi Maolunga de Maadua, ga noho ai i kilaa.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

2 Corinthians 6:18

gai au e hai naa go doodou damana, gai goodou go agu dama, go Tagi Maolunga Mmahi Mmao laa e hagadaba.”

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

John 17:25

Tamana e heohi mmao, de gau henua i lalo e dee iloo goe, aagai au e iloo goe, gai gilaadeu gu iloo bolo go koe donu ne haia nei au gi humai.

Matthew 28:7

Gai gooluu hagamoolau hulo daalaa ange gi ana dangada agoago bolo ia gu mouli age, gai tilo, ia gu hano i oodou mada i mua gi Galilee; go kilaa oodou e gidee ai ia. Tilo, au gu tala adu mee nei gi gooluu.”

Matthew 12:50

Be goai e haia lodo o dogu Damana i de langi laa, gai go ia donu dogu daina daane, ma dogu daina hahine, aama dogu dinana.”

Revelation 21:7

Be goai e kii i mee nei, gai au e bolo ange de mee nei gi de ia; au e hai naa go dono Maadua gai ia go dagu dama.

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

John 20:27

Gai ia ga hai ange gi Thomas, “Dugua mai doo madannia gi kinei, gai galo ange diiloo luoogu lima. Haalo ina mai doo lima mage dugua ange gi dogu gaogao. Aude lua lodo gai hagadonusia.”

John 17:5

Tamana, hagamahamaha ina loo au iainei, i mada luoo mada i de mahamaha oogu nogo hagamahamaha ai laa i dogu noho madali goe, i mua de hai o henua i lalo.

John 14:28

Goodou gu langona dagu tala adu gi goodou, ‘Au ga hano gee nei mai i oodou daha, gai au e ahe mai naa donu gi goodou.’ Noo goodou e aaloha i de au, gai goodou e malangilangi donu i dogu ahe e hano gi daho Tamana, go hiidinga Tamana e maolunga ange i de au.

John 14:2

E lagolago mommee noho i de hale o dogu Damana; gai noo e deai, gai au gu tala adu gi goodou, bolo au e hano e hagadabena dahi mommee moodou.

John 13:3

Gai Iesu e iloo bolo Tamana gu gaavange gi de ia ssauaa e huahua ai mee alodahi, gai ia ne humai i daho de Maadua gai e ahe ange naa gi daho de Maadua.

John 13:1

Gai i mua de hai Taonga Hagasili, gai Iesu gu iloo bolo gu dae dono masavaa e hano gee ai i henua i lalo ga ahe gi daho Tamana. Ia ne aloha i ono dangada i henua i lalo nei, gai ia ne aloha donu i gilaadeu ga dae ai gi de hagaodi.

John 7:33

Gai Iesu ga hai ange gi dangada, “E bodobodo donu huu dogu masavaa e noho ai i oodou daha, gai au ga ahe ai loo gi daho de ia ne gaamai au gi humai.

Luke 10:4

Gai goodou e dee kave hanu mee hhao sseene, be ni beagi, aabe ni mee vae, goodou e dee tuu hogi e hagaboo ange gi dangada i honga de haiava.

Ezekiel 37:27

Gai dogu mommee noho e dagodo naa i olaadeu daha; gai au e hai naa go delaadeu Maadua, gai gilaadeu go ogu dangada.

Ezekiel 36:28

Gai goodou ga nnoho ai i de henua aagu ne gaavange gi oodou dubuna madagidagi; gai goodou e hai naa go ogu dangada, gai au go doodou Maadua.

Jeremiah 32:38

Gai gilaadeu e hai naa go ogu dangada, gai au go delaadeu Maadua.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Psalm 89:26

Ia e hai mai naa gi de au, ‘Go koe dogu Damana, go koe dogu Maadua, gai go de Baba makaga ma dogu Ia Hagaola.’

2 Kings 7:9

Aagai gilaadeu ne hagataba i olaadeu magavaa, “E dee heohi adaadeu hegau e hai nei! Anailaa nei se laangi niio dahi longo danuaa, gai gidaadeu e daohi donu huu de longo nei i odaadeu daha. Noo gidaadeu e tali gi ao de mee, gai gidaadeu e too ange naa donu gi dahi hagaduasala. Deenei ai, loomai, gidaadeu ga hagamoolau e hulo e tala ange de longo nei gi dangada i de hale o de hodooligi.”

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Psalm 48:14

bolo deenei de Maadua, taadeu Maadua, ga hano ai e dee ngado mai. Go ia e dagina gidaadeu ga hano ai.

Psalm 43:4

Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

Psalm 22:22

Au e tala ange naa doo ingoo gi ogu daina; au e tuhi goe madali de hagabuulingaa dangada.

2 Kings 4:29

Gai Elisha ga hai ange gi Gehazi, “Hagabigibigi age oo malo gi doo daogubu, gai koe ga poo dogu dogo i doo lima ga savini ai ga hano. Gai noo koe gu hedae ange gi dahi dangada, gai koe e dee hagaboo ange donu gi de ia, gai noo dahi dangada e hagaboo adu gi de goe, gai koe e dee hagaboo ange gi de ia. Gai koe ga dugua ange dogu dogo gi honga luu mada o de gauligi daane laa.”

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Mark 12:26

Gai dagodo o de mouli age ange o de gau maakau: e aha, goodou tigi dau ange naa donu de beebaa a Moses, i de mommee e sisi ai laa dagodo o de manu somo e ula ai laa de ahi? De Maadua ne hai ange gi Moses, ‘Go au de Maadua o Abraham, ma de Maadua o Isaac, aama de Maadua o Jacob.’