John 20:15 - De Beebaa Dabu

¹⁵ Gai Iesu ga hai ange gi de ia, “De hine, gu aha gu dangi ai naa goe? Gai goai aau e ssala naa?” Gai Mary e hai bolo ia se dangada hai veelenga, gai ia ga hai ange gi de ia, “Tangada aamua, noo go koe ne gaavee gee dono angaanga, gai koe daalaa mai be go hee aau ne kave ia ga dugu ai, gai au ga hano e kave.”

John 20:15 Referans Kwoze

John 20:13

Gai gilaau ne ssili ange gi de hine laa, “De hine, gu aha gu dangi ai naa goe?” Ia ne hai ange gi gilaau, “Go hiidinga gilaadeu gu kave gee dogu Dagi Maolunga, gai au e dee iloo be go hee alaadeu ne kave ga dugu ai.”

John 18:7

Gai ia ga ahe anga ga ssili ange gi gilaadeu, “Goai oodou e ssala?” Gai gilaadeu ne hai ange, “Go Iesu tangada Nazareth.”

John 1:38

Gai Iesu ga huli dua gu gidee e ia gilaau e daudali ange i de ia, gai ia ga ssili ange, “Se aha ooluu e ssala?” Gilaau ne hai ange gi de ia, “Rabbi (e bei Tangada Agoago), go hee oou e noho ai naa?”

Mark 16:6

Gai ia ga hai ange gi gilaadeu, “Goodou aude maatagu. Goodou e ssala Iesu taane Nazareth, ne daudau laa i de laagau lui. Ia gu mouli age! Ia e dee maleva i kinei. Goodou kalo ange diiloo de mommee oona ne hagadagodo ai.

Matthew 28:5

Aagai tangada de langi ne hai ange gi luu haahine laa, “Gooluu gi dee maatagu, au e iloo bolo gooluu e ssala Iesu, ne daudau laa i de laagau lui.

Song of Songs 3:2

Au e hidi age naa e hano laa lo te aduhale gi lodo haiava ma lodo duu malaelae i kilaa; gai au ga ssala ai de ia oogu e aloha ai. Au ne ssala ia, aagai au tee gidee ia.

1 Samuel 1:16

Koe gi dee hagadaba bolo doo hahine hai hegau se hine baubau; au nogo dalodalo i hiidinga de daemaha ogu lodo aama dogu lodo baubau.”

John 18:4

Gai Iesu gu iloo donu e ia mee alodahi gu dai hai ange gi de ia, gai ia ga hano ga ssili ange gi gilaadeu, “Goai oodou e ssala?”

Luke 24:5

Gai denga haahine laa gu maatagu mmao ga ino gi honga de gelegele, gai luu dangada de langi laa ga hai ange gi gilaadeu, “Gu aha gu ssala ai naa goodou tangada mouli i magavaa o de gau maakau?

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Song of Songs 6:1

De hine e mahamaha ange i denga haahine, go hee o de ia oou e aloha ai ne hano aagena? Dee hee dono haiava ne daa ga hano ai, gai gimaadeu ga bale adu goe e ssala ai ia?

Luke 2:44

Gai gilaau e maanadu bolo ia gu hano madali hanu dangada ange laa, gai gilaau ne seesee ga hulo i e dahi laangi, aagai gilaau ga daamada de ssala ia i magavaa olaau dangada, aama dangada alodahi alaau e iloo.