John 20:1 - De Beebaa Dabu

¹ Gai tahi laangi huu o de uvigi, gai Mary Magdalene ne hano gi taanunga i boo taiao donu huu, i de masavaa goi gohugohu ai de mee. Gai ia gu gidee bolo de hadu i ma te haitoga gu lava i de hagadige gee.

John 20:1 Referans Kwoze

Mark 16:9

[Dua de mouli age o Iesu i taiao o tahi laangi o de uvigi, gai ia ne hakide ange gi Mary Magdalene i mua. Deenei de hine aana ne hai laa ga hulo gee e hidu hagasaalunga baubau mai i ono daha.

Matthew 27:60

ga hagadagodo i lo te daanunga hoou aana gu hoda laa gi lo te baba, gai ia ga hagadige ange dahi hadu laumalie ga pono ai de haitoga, gai ia ga hano gee mai i kilaa.

Mark 15:46

Gai Joseph ga hagao hanu malo linen, ga dugu iho de angaanga o Iesu, ga saabini i linen. Gai ia ga hagadagodo dono angaanga i lo te daanunga gu hoda laa gi lo te baba. Gai ia ga hagadige ange dahi hadu ga pono ai de haitoga.

John 20:26

Gai dua huu e valu laangi, gai denga dangada agoago gu nnoho hogi i de hale, gai Thomas gu noho madali gilaadeu. Gai denga abaaba gu pono, aagai Iesu ga humai ga duu i olaadeu magavaa, ga hai ange, “De baba gi dagodo i oodou daha.”

John 19:25

Gai dono dinana e duu i de baasi gee o de laagau lui o Iesu, ma taina o dono dinana, ma Mary de bodu o Clopas, aama Mary Magdalene.

Revelation 1:10

Gai de Hagasaalunga ⌊Dabu⌋ ne hano iho gi ogu elunga i de laangi o Tagi Maolunga; gai au ne langona dahi leo laumalie bei de leo o de trumpet i ogu dua.

Matthew 27:64

Deenei ai, haia hanu dangada gi hulo gi hagaloosia ange taanunga ga dae ai gi de hagadolu laangi, kana loomai ana dangada agoago ga gaiaa dono angaanga gai gilaadeu ga hai ange gi dangada, ‘Ia gu mouli age mai i de magau,’ gai gu kii ange de daahangadia o dangada i de hagaodi.”

1 Corinthians 16:2

Denga dahi laangi alodahi o de uvigi, gai dahi ma dahi gi vaaea gee dana sseene e daohi age ga doange, e dee tali donu go dogu masavaa e dae adu ai e daohi age ai de mee a tangada.

Acts 20:7

Aagai tahi laangi o de uvigi, gai gimaadeu ne hagabuni ga gaimee. Gai Paul ne agoago dangada ga dae ai gi lo te boo, go hiidinga ia ne maanadu bolo gimaadeu e malanga i de laangi i ono dua.

Matthew 27:56

Hanu i olaadeu magavaa go Mary Magdalene, ma Mary tinana o James ma Joseph, aama tinana o luu dama daane a Zebedee.

Matthew 27:66

Gai gilaadeu ne hulo ga gaavange dahi hagailonga gi honga de hadu laa gi dee maua ai i de hhuge taanunga laa, ma de dugu hanu daane hagaloosi i kilaa.

Matthew 28:1

Dua de laangi o Sabbath, i taiao o tahi laangi o de uvigi, gai Mary Magdalene ma de Mary ange laa ne hulo e tilo taanunga.

Matthew 28:2

Gai tilo, gu kona de ngalungalue de henua, i hiidinga dahi dangada de langi o Tagi Maolunga gu hano iho ma gu hagadige gee de hadu e buibui ai laa de haitoga o taanunga, ga noho i honga de hadu laa.

John 11:38

Gai Iesu gu kona ange hogi de daemaha ono lodo, ga hano gi taanunga; taanunga laa se haonga i lo te baba, gai e pono i dahi hadu.

John 11:41

Gai hanu ga aau de hadu laa. Gai Iesu ga galo age gi de langi ga hai ange, “Tamana, au e hagaahe adu de abodonu gi de goe, go hiidinga koe e langona donu agu muna.