John 19:5 - De Beebaa Dabu

⁵ Gai de masavaa huu o Iesu ne sao mai ai, gai ia gu hagauda de hau duiduia ma de gahu i de malo purple. Gai Pilate ga hai ange gi gilaadeu, “Tilo, deenei taane!”

John 19:5 Referans Kwoze

John 19:2

Gai denga daane hebagi ne bini dahi hau manu duiduia ga hagauda ange gi honga dono biho, ma de hakahu ange ia i dahi malo purple.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Isaiah 40:9

Zion, de ia e hagadele ina de longo danuaa, koe gi hanage gi honga dahi mounga maolunga. Jerusalem, go de ia e hagadele ina de longo danuaa, koe gi oo i de leo laumalie. Aude madagu, gai oo hai ange gi aduhale o Judah, “Tilo, doo Maadua gu humai!”

Lamentations 1:12

Dangada e loomai laa ogu gaogao, goodou e dee aanga mai naa donu gi ogu dagodo? Goodou kalo mai diiloo. Gu dahi ange laa hagaduasala bei de hagaduasala, a Tagi Maolunga gu hai mai nei gi de au, i de laangi ne kona ai dono lili?

Matthew 27:29

ga bini dahi hau i hanu manu duiduia ga hagauda ange gi honga dono biho, ma de hai ia gi daohia dahi dogo i dono lima madau, gai gilaadeu ga duuduli i ono mada i mua ga hagammae manava ai ia, ga hai ange, “De laangi danuaa, e de hodooligi o de gau Ssuu.”