John 19:34 - De Beebaa Dabu

³⁴ Aagai dahi daane hebagi ga velo dono gaogao i tao, gai gu ssali mai ai dodo ma vai.

John 19:34 Referans Kwoze

1 John 5:6

Deenei de ia ne humai laa i vai ma dodo — go Iesu Klisdo, gai e dee go vai donu huu aagai go vai ma dodo. Gai de Hagasaalunga ⌊Dabu⌋ go de ia tala hagadonu, go hiidinga de Hagasaalunga go de muna abodonu.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

1 John 5:8

go de Hagasaalunga ⌊Dabu⌋, ma de vai, aama dodo; mee e dolu nei e buni.

Zechariah 13:1

“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

Hebrews 9:22

Gai e dai odi donu mee alodahi i de hagagilimalali i dodo i de hainga a Moses, gai e dee maua donu i de degi ange gi haisala o dahi noo e dee hagassali dodo.

Hebrews 9:13

Go hiidinga noo dodo o denga guudi ma kaau madali lehu o de kaau hahine e hagasii laa gi honga olaadeu e dee gilimalali, ne maua i de hai gi dabu ma de hagagilimalali de angaanga o tangada,

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Matthew 27:62

De laangi i ono dua, go de laangi i dua de laangi hagadabena, gai de gau haimeedabu maolunga ma denga Pharisee ne hagabuni mai gi daho Pilate,

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Acts 22:16

Gai se aha aau e tali naa? Hidi age e babudaisi goe, ma de hai gi maatala oo haisala i doo dalodalo ange gi de ia.’

John 19:33

Aagai ga loomai huu gilaadeu e hadihadi luu vae o Iesu, gai gilaadeu gu gide bolo ia gu magau. Deelaa ai, gilaadeu tee hadihadi luoono vae.

John 20:20

Gai ga lava huu i dana tala ange muna nei, gai ia ga hagaago ange luoono lima ma dono gaogao gi gilaadeu. Gai ana dangada agoago gu malangilangi mmao i delaadeu gidee Tagi Maolunga.