John 19:30 - De Beebaa Dabu

³⁰ Gai ga lava huu i dana unu mee laa, gai Iesu ga hagadaba, “Gu lava.” Gai ia ga ino iho dono biho ga dugu gi hano dono hagasaalunga.

John 19:30 Referans Kwoze

John 17:4

Au ne hagamahamaha goe i henua i lalo, i dagu hagalava de hegau aau ne gaamai au gi haia.

Philippians 2:8

gai ia ne hagamaolalo ga dugu ange donu ia e daa gi magau, ga daudau i honga de laagau lui.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

John 10:11

Go au donu tangada hagaloosi ssiibi danuaa. Tangada hagaloosi danuaa, e gaavange dono mouli i hiidinga o denga ssiibi.

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Luke 23:46

Gai Iesu ne oo i de leo mmahi, ga hagadaba, “Tamana! Au e dugu adu dogu hagasaalunga gi lodo luoo lima.” Gai ga lava huu i dana tala muna laa gai ia gu hai ana manava hagaodi.

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Romans 10:4

Go hiidinga Klisdo go de ngado mai o de hainga, gi maua ai e dangada alodahi e hagadonusia gi heohi i daho de Maadua.

John 19:28

Dua mee laa, gai Iesu gu iloo bolo mee alodahi gu lava, gai gi hagassula ai muna a de Beebaa Dabu, gai Iesu ga hagadaba, “Au gu hieunu.”

Mark 15:37

Gai Iesu ga oo i de leo mmahi ga hai ana manava hagaodi.

John 10:18

E dee se dangada gee donu ne gaavee dogu mouli, aagai go au donu ne dugua ange dogu mouli. Gai e dahi donu ogu ssauaa e gaavange ai dogu mouli, aama de hagaahe mai ange ai. Aanei muna a dogu Damana ne tala mai gi de au.”

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Matthew 27:50

Gai de masavaa huu o Iesu ne ahe ange ai ga oo i de leo mmahi, gai ia gu hai ana manava hagaodi.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Hebrews 9:22

Gai e dai odi donu mee alodahi i de hagagilimalali i dodo i de hainga a Moses, gai e dee maua donu i de degi ange gi haisala o dahi noo e dee hagassali dodo.

Romans 3:25

De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua.

Matthew 3:15

Aagai Iesu ne basa ange ga hai ange, “Hagasula ina de mee nei, e heohi taau hagasula de heohi alodahi.” Aagai a John gu buni ange.

1 Corinthians 5:7

Aaua gee mee hagahua duai mai i oodou daha, gi bei ai goodou dagodo o de laabunga hoou e deai laa mee hagahua iai. Goodou se laabunga donu e deai mee hagahua iai. Go hiidinga Klisdo, taadeu ssiibi gauligi o ssigidaumaha o Taonga Hagasili, gu lava donu i de hai ai ssigidaumaha.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Luke 22:37

Au e hai adu gi goodou, muna a de Beebaa Dabu nei e hagassula donu i ogu daha: ‘Ia gu dau madali de gau haisala.’ Gai mee gu sisi laa ma gu tala ai ogu dagodo e hagassula donu.”