John 19:23 - De Beebaa Dabu

²³ Gai ga lava huu de daudau a denga daane hebagi Iesu i de laagau lui, gai gilaadeu ga kave ono malo ga vvae haa, dahi gilaadeu ne kave dahi, gai dono malo laa lodo e doe. De malo laa ne llanga mai i de ulu ga dae ai gi de bido i lalo, gai e buni donu huu.

John 19:23 Referans Kwoze

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Mark 15:24

Gai gilaadeu ne daudau ia i de laagau lui i kilaa. Gai ga vaevae ono malo i olaadeu magavaa; gilaadeu ne dada ga tilo ai be aahee mee a dahi ma dahi e kave.

Matthew 27:35

Gai ga lava huu i delaadeu daudau ia, gai gilaadeu ga dada ga duha ai ono malo i olaadeu magavaa.

Acts 12:4

Ia ne poo Peter ga hhao gi lo te hale pono, ga gaavange ia gi e haa hagabuulinga hebagi e dagihaa laa daane hebagi iai gi hagaloosia ange ia. Ia ne hagatau de hagasao mai Peter e hai dangada gi hagamodu ina ono muna, i dua Taonga Hagasili.

Exodus 28:32

Gai haia gi dahi mommee e hagaulu ange ai de biho i lo te ungaalodo, gai e dahi dalaa malo e dui i luu baasi de ulu o de malo laa gi dee madala mai ai.