John 18:37 - De Beebaa Dabu

³⁷ Gai Pilate ne ssili ange gi de ia, “Koe se hodooligi?” Iesu ne hai ange, “Koe gu hagadaba bolo au se hodooligi. Deenei dogu hiidinga ne haanau mai ai nei, ma de humai gi henua i lalo; gai au ga tala hagadonu ai dagodo o de mee abodonu. Be goai e daohia de mee abodonu gai ia e hagallongo agu muna.”

John 18:37 Referans Kwoze

John 8:47

Tangada se dama nii de Maadua e hagallongo muna a de Maadua. Goodou e dee hagallongo muna a de Maadua, go hiidinga goodou e dee ni dama nii de Maadua.”

1 John 4:6

Gidaadeu nii de Maadua. Tangada e iloo e ia de Maadua e hagallongo adaadeu muna. Tangada e dee nii de Maadua e dee hagallongo adaadeu muna. Deenei taadeu hai e madea ai de hagasaalunga o de mee abodonu, ma de hagasaalunga o de mee e dee heohi.

John 8:14

Iesu ne hai ange gi gilaadeu, “Gai daalaa hagadonu naa donu e au ogu dagodo, gai agu muna ni muna abodonu; go hiidinga au e iloo be go hee oogu ne humai ai, gai go hee oogu e hano aagena. Gai goodou e dee iloo be go hee oogu ne humai ai, aabe go hee oogu e hano aagena.

1 John 3:19

Deenei taadeu hai e iloo ai bolo gidaadeu ni dangada e dau ange gi de mee abodonu, ma de hai gi dee manavasaa odaadeu lodo i mada luu mada o de Maadua:

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Isaiah 55:4

Tilo, au ne hai ia gi se ia tala hagadonu ange gi denga huaadangada, gai se dagi e daalaa ange mee a denga huaadangada e hai.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

Luke 23:3

Aagai Pilate ga ssili ange gi Iesu, “Go koe de Hodooligi o de gau Ssuu?” Iesu ne hai ange gi de ia, “Deenaa aau e hagadaba ai naa.”

Mark 15:2

Gai Pilate ne ssili ange gi Iesu, “Go koe de Hodooligi o de gau Ssuu?” Iesu ne hai ange gi de ia, “Deenaa aau e tala mai naa.”

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

John 3:32

Gai ia e tala hagadonu ana mee gu gidee ma de langona; aagai e deai donu dangada e hagadonusia ana muna e tala.

Matthew 26:64

Iesu ne hai ange gi de ia, “Koe e hagadaba bolo go au go ia. Aagai au e hai adu gi goodou, dua iainei gai goodou e gidee naa Tama a Tangada e noho i de baasi madau o de Ia Mmahi laa, ma de humai i honga giliiga o de langi.”

Matthew 27:11

De masavaa o Iesu e duu ai i mada i mua o de goobenaa, gai de goobenaa ne ssili ange gi de ia, “Go koe de Hodooligi o de gau Ssuu?” Iesu ne hai ange, “Deenaa aau e hagadaba ai naa.”

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 1:4

Mai i daho John. Ange gi denga nohoanga dabu e hidu i Asia: De abodonu ma de nnoho paba gi dagodo i oodou daha, mai i daho de ia e noho laa iainei, gai gu noho mai huu madagidagi, gai gu dai humai naa hogi, ma mai i daho denga hagasaalunga e hidu i mada i mua o dono nohoanga hodooligi,

1 John 3:14

Gidaadeu e iloo bolo gidaadeu gu ssao ma gu hulo gee i de magau gai gu ulu i de mouli, go hiidinga gidaadeu e aaloha i denga daina. Tangada e dee aloha gu noho donu i lalo de magau.

Luke 22:70

Gai gilaadeu alodahi ne ssili ange, “Go koe Tama Daane a de Maadua?” Ia ne hai ange gi gilaadeu, “Goodou e hagataba bolo go au donu go ia.”

Mark 14:62

Iesu ne hai ange, “Go au donu. Gai goodou e gidee naa Tama a Tangada e noho i de baasi madau o de Ia Mmahi Mmao laa, ma de humai i honga giliiga o de langi.”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

John 8:45

Gai go hiidinga au e tala adu gi goodou de muna abodonu, deenei ai, goodou e dee hagadonusia agu muna.

John 8:46

Goai i oodou magavaa e maua i de hagadaba bolo au e haisala? Noo au e tala adu de muna abodonu, gai gu aha goodou gu dee hagadonusia ai naa agu muna?

1 John 2:21

Au tee sisi adu mee nei i hiidinga goodou e dee iloo de muna abodonu, aagai go hiidinga goodou e iloo donu de muna abodonu, gai e deai donu se muna hhadu e daamada mai i de muna abodonu.