John 18:36 - De Beebaa Dabu

³⁶ Iesu ne hai ange, “Dogu nohoanga hodooligi e dee se mee mai i henua i lalo. Noo dogu nohoanga hodooligi se mee mai i henua i lalo, gai ogu dangada hai hegau ga hebagi, gi dee gaavange ai au gi de gau Ssuu. Aagai dogu nohoanga hodooligi se mee mai i dahi mommee gee.”

John 18:36 Referans Kwoze

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

John 6:15

Gai ga iloo huu e Iesu bolo dangada gu paba ange e loomai e hai gi de mahi ia, e hai ai delaadeu hodooligi, gai ia ga hagalilo ange hogi ga hanage sogosogo gi de mounga.

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

Matthew 26:53

Koe e hagadaba bolo au e dee maua i de dangidangi ange gi dogu Damana, gai ia ga hai gi loomai iainei donu, dahi hagabuulingaa dangada de langi, e soa ange laa i de madaangahulu ma lua hagabuulinga hebagi?

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Luke 12:14

Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?”

John 8:15

Goodou e hagamodu muna bei dagodo lodo o dangada, gai au e dee hagamodu donu muna o dahi dangada.

John 18:35

Pilate ne hai ange, “Au e dee se dangada Ssuu! Go doo huaahenua ma de gau haimeedabu maolunga ne gaamai nei goe gi de au. Gai ni aha donu aau gu hai?”