John 18:28 - De Beebaa Dabu

²⁸ Gai boo taiao donu huu gai gilaadeu ga dagi mai Iesu i de hale o Caiaphas ga kave gi de Praetorium, go de hale o de goobenaa. Gai de gau Ssuu tee ulu gi lo te mommee laa, kana dee gilimalali naa gilaadeu ga dee maua i de gaimee i Taonga Hagasili.

John 18:28 Referans Kwoze

John 19:9

gai ia ga ulu ange hogi gi lo te hale ga ssili ange gi Iesu, “Go hee oou ne humai ai?” Gai Iesu tee basa ange donu.

John 18:33

Gai Pilate ga ulu ange hogi gi lo te hale, ga hagahi Iesu ga hai ange gi de ia, “Go koe de Hodooligi o de gau Ssuu?”

John 19:14

Gai de laangi laa go de laangi e hagadabena ai Taonga Hagasili; agu made gu daa tuele. Gai Pilate ga hai ange gi de gau Ssuu, “Tilo, deenei doodou Hodooligi!”

Matthew 27:27

Gai denga daane hebagi o de goobenaa ne kave Iesu gi lo te hale o de goobenaa ga hagabuni mai denga daane hebagi alodahi.

Acts 3:13

De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.

John 11:55

Gai ga dai dae mai huu Taonga Hagasili a de gau Ssuu, gai dangada soa gu loomai i mommee ange laa gi Jerusalem e hai ai tahulinga o de hagagilimalali i mua Taonga Hagasili.

Acts 11:3

ga hai ange, “Gu aha goe gu hano ai laa gi daho dangada e dee tuu dagaholiage ma de gaimee hogi madali gilaadeu?”

Acts 10:28

Gai ia ga hai ange gi gilaadeu, “Goodou e iloo donu bolo de gau Ssuu e dee hagabuni ange gi denga Gentile, aabe e hulo gi olaadeu daha. Aagai de Maadua gu hagaago mai bolo au gi dee daalaa bolo dahi dangada e dee gilimalali aabe e hakino gee.

John 18:39

Gai e dahi oodou dahulinga i de masavaa o Taonga Hagasili: au e hagasao mai dahi dangada i lo te hale pono e gaavadu gi goodou; goodou e llodo au gi hagasao ina mai de Hodooligi o de gau Ssuu e gaavadu gi goodou?”

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Deuteronomy 16:2

Gai goodou ga hai ai ssigidaumaha o Taonga Hagasili, ange gi Tagi Maolunga doodou Maadua i oodou ssiibi ma kaau, i de mommee a Tagi Maolunga doodou Maadua gu hili e dugu ai dono ingoo.

Luke 22:66

Taiao age gai gu hagabuni denga dagi, madali de gau haimeedabu maolunga ma de gau sisi. Gai gilaadeu ne dagi ia ga kave gi mada i mua o de hagabuulinga hagasaele.

Mark 15:16

Gai denga daane hebagi ne kave Iesu gi lo te buibui o de hale o de goobenaa, ga hagahi ga hagabuni mai denga daane hebagi alodahi.

Ezekiel 45:21

Gai de madaangahulu ma haa naa huu laangi o tahi malama, gai goodou ga dao Taonga Hagasili i e hidu laangi, gai goodou e gai pelaoaa e dee hagahua i denga laangi laa.

Proverbs 4:16

Go hiidinga gilaadeu e dee sseni naa donu ga dae ai gi delaadeu hai de baubau; gilaadeu e dee maua gi sseni ga dae ai gi delaadeu hai dahi dangada ga haisala.

Proverbs 1:16

go hiidinga e moolau donu delaadeu hai de baubau, gai e moolau hogi delaadeu daa dangada ga maakau.

Psalm 35:16

Gilaadeu e bei de gau vaivai dangada hagammae manava; gilaadeu e kadi mai olaadeu niho gi de au.

John 18:13

ga kave gi daho Annas i mua, go ssaulaba o Caiaphas, tangada haimeedabu maolunga i de ngadau laa.

John 18:15

Gai Simon Peter ne daudali adu i dua o Iesu, gai e dahi ange agoago madali ia. Gai tangada agoago ange laa ne hano ga ulu gi lo te buibui o de hale o tangada haimeedabu maolunga madali Iesu, i hiidinga ia e iloo tangada haimeedabu maolunga laa,

John 19:11

Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

Acts 10:32

Deenei ai, haia gi hulo hanu dangada gi Joppa gi alumia Simon, e hagaingoo ange laa hogi go Peter. Ia e noho i de hale o Simon, taane hai gili manu, gai dono hale e duu i gaogao tai.’