John 18:25 - De Beebaa Dabu

²⁵ De masavaa laa gai Simon Peter e duu ma e hagamahanahana i gaogao de ahi. Gai dangada i kilaa ne ssili ange gi de ia, “Koe e dee se dangada agoago hogi nii taane laa?” Gai ia ga hagadee iloo mee laa ga hai ange, “E deai.”

John 18:25 Referans Kwoze

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Genesis 18:15

Gai Sarah ga hagassee ga hai ange, “E deai, au tee gadagada donu,” go hiidinga ia gu madagu. Aagai ia ga hai ange, “E deai, koe gu gadagada donu.”

Luke 22:56

Gai dahi gauligi hahine hai hegau ne gidee e ia Peter, i dono noho i de maalama o de ahi i kilaa. Gai ia ne haaina ia ga hagadaba, “Taane nei se daane hogi madali Iesu!”

Matthew 26:69

De masavaa laa gai Peter e noho i tua de hale i lo te buibui. Gai dahi damaa hine hai hegau ne hai ange gi de ia, “Koe go dahi daane donu nogo hano saele madali Iesu o Galilee.”

Mark 14:66

De masavaa o Peter e noho ai i lalo i lo te buibui o de hale laa, gai dahi damaa hine hai hegau o tangada haimeedabu maolunga ne humai,

Luke 22:55

Gai gilaadeu ne haula dahi ahi i lo te buibui ga nnoho laa luu baasi, gai Peter ne hano hogi ga noho madali gilaadeu.

Luke 22:57

Aagai Peter ga hagadee iloo muna laa, ga hai ange, “De hine nei, au e dee iloo donu ia!”