John 18:20 - De Beebaa Dabu

²⁰ Iesu ne hai ange gi de ia, “Au ne agoago i madamada o dangada alodahi. Au ne agoago i laangi alodahi i lodo synagogue ma lo te temple, go de mommee o de gau Ssuu alodahi e hagabuni ai. Au tee tala hagammuni donu dahi mee.

John 18:20 Referans Kwoze

John 7:26

Gai deenei ia, e duu nei ma e agoago i madamada o dangada, gai gilaadeu tee pasa ange donu gi de ia. Agu made denga dagi gu iloo bolo deenei donu de Klisdo?

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Isaiah 48:16

Loomai gi paa mai goodou gi de au, mage hagalaangona muna nei: Mai i taamada gai au tee tala hagammuni dahi mee, de masavaa ne hai ai mee nei, gai au i kilaa. Iainei gai de Ia Aamua go Iahweh ma dono Hagasaalunga gu hai au gi humai.

Luke 21:37

Laangi laa gai ia e agoago i de temple, gai de boo naa huu gai ia ga hano ga noho i honga de mounga e hagaingoo ange laa go de Mounga o denga Olive.

John 7:4

E deai donu se dangada e hagammuni ana hegau noo ia e lodo gi iloo e dangada ana mee e hai. Noo koe e hai hegau nei, gai hagaagona ange gi henua i lalo alodahi.”

Luke 4:15

Gai ia ga agoago i olaadeu synagogue, aagai dangada alodahi gu tuhi ia.

Matthew 26:55

De masavaa laa gai Iesu ne ssili ange gi de hagabuulingaa daane laa, “Goodou ne loomai naa ma denga gadilaasa ma laagau e poo ai au, bei dagodo o dahi dangada gaiaa? Laangi alodahi gai au ne noho i lo te temple ma e agoago ai, gai goodou tee poo au.

Matthew 9:35

Gai Iesu ne hagadaga i denga aduhale ma mommee nnoho hugadoo, ga agoago i denga synagogue ga tala de longo danuaa o de nohoanga hodooligi o de langi, ma de hagaieiangi denga hagadaagangaa magi ma baageaa alodahi.

Isaiah 45:19

Au tee tala hagammuni mee nei aabe ne tala i lo te gohu; au tee hai ange gi hagadiilinga o Jacob, ‘Saalaa au i dahi ngadi mommee.’ Go au Iahweh, au e tala de muna abodonu; au e tala de mee heohi.

John 8:26

E lagolago agu mee e tala ai oodou dagodo ma de hagamodu ai oodou muna; gai de ia ne haia ngau gi humai go de muna abodonu, gai au e tala ange gi henua i lalo mee alodahi aagu gu langona mai i ono daha.”

John 8:2

Gai boo taiao donu huu gai ia ne ahe gi de temple. Gai dangada alodahi gu loomai gi ono daha, gai ia ga noho i kilaa ga agoago ange ai gilaadeu.

John 7:28

Gai Iesu ga oo ga hagadaba i de masavaa oona ne agoago ai i de temple, “Goodou e iloo donu be au go ai, goodou e iloo hogi be go hee oogu ne humai ai? Au tee humai donu huu i dogu sauaa, gai de ia ne gaamai nei au gi humai go de muna abodonu, gai goodou e dee iloo donu ia.

John 7:14

Gai ga madohi lua huu de masavaa o taonga, gai Iesu ga hanage gi de temple ga daamada de agoago.

Matthew 26:65

Gai tangada haimeedabu maolunga ga ssae dono malo laa daha, ga hagadaba, “Ia gu hagangadi mee de Maadua. Ni dangada tala hagadonu aha ange odaadeu e llodo ai? Goodou gu langona dana hagangadi mee de Maadua.

Acts 26:26

Gai de hodooligi e iloo donu dagodo o mee nei, gai au e malangilangi donu i de tala agu muna, go hiidinga au e donu ange bolo mee nei alodahi e odi i dau iloo, go hiidinga mee nei tee hai hagammuni.

Matthew 24:26

Deenei ai, noo gilaadeu e hai adu gi goodou, ‘Tilo, ia e noho i lodo henua!’, gai goodou aude hulo gi kilaa; be gilaadeu e hai adu, ‘Tilo, ia e noho i lo te aabi i lodo!’, gai goodou aude hagadonusia alaadeu muna.

Psalm 40:9

Au ne tala de longo danuaa o doo heohi ange gi de hagabuulinga soa; au e dee hagapuni donu dogu ngudu, Tagi Maolunga, koe e iloo donu mee nei!

Psalm 22:22

Au e tala ange naa doo ingoo gi ogu daina; au e tuhi goe madali de hagabuulingaa dangada.

Mark 8:32

Gai ia ne tala donu gi tonu ange gilaadeu gi mee nei. Gai Peter ga kave ia ga daamada de hagasee ia.

John 6:59

Ia ne tala muna nei i lo te synagogue i dono masavaa ne agoago ai i Capernaum.

John 18:21

Gai gu aha gu ssili mai ai naa goe gi de au? Siilia ange gi dangada ne langona agu muna ne tala ange gi gilaadeu; gilaadeu e iloo agu muna ne tala.”