John 17:26 - De Beebaa Dabu

²⁶ Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”

John 17:26 Referans Kwoze

John 17:23

au i olaadeu lodo gai koe i ogu daha, gai gi buni ai gilaadeu gi dahi, gi iloo ai e henua i lalo bolo go koe ne haia nei au gi humai, gai koe gu aloha i gilaadeu bei doo aloha i de au.

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

John 15:9

Au ne aloha i goodou, bei de hai a dogu Damana e aloha ai laa i de au; goodou duudagina de nnoho i lalo dogu aloha.

Hebrews 2:12

ma de hai ange, “Au e tala ange naa doo ingoo gi ogu daina; gai au e daahili naa ga tuhi goe madali doo hagabuulingaa dangada.”

John 15:15

Au e dee hagadaba bolo goodou ni dangada hai hegau, go hiidinga tangada hai hegau e dee iloo, be ni aha a dono dangada aamua e hai. Gai au e hagadaba bolo goodou go ogu soa, go hiidinga au gu tala adu agu mee alodahi gu langona i daho dogu Damana.

John 14:20

De laangi laa gai goodou e tonu ange naa bolo au i lodo o dogu Damana, gai goodou i ogu lodo, gai au i oodou lodo.

Psalm 22:22

Au e tala ange naa doo ingoo gi ogu daina; au e tuhi goe madali de hagabuulingaa dangada.

John 15:4

Goodou nnoho i ogu lodo, gai au i oodou lodo. E deai donu se laa e maua gi hua, noo e dee somo mai i de grapevine. Goodou e dee maua hogi gi hanu oodou hua, noo goodou e dee nnoho i ogu lodo.

Ephesians 5:32

De mee e dee iloo laa e hai ngadaa mmao i de tonu ange aagena, aagai au e hagadaba bolo de mee nei e tala dagodo o Klisdo ma de nohoanga dabu.

Ephesians 5:30

go hiidinga gidaadeu ni diba donu niio dono angaanga.

John 14:23

Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

John 8:50

Au e dee ssala dogu hai e hagamahamaha ai, gai e Dahi ange e saalaa dogu hagamahamaha, gai go ia donu de ia hagamodu.

1 John 3:24

Be goai e daohia ana muna, gai ia e noho i lodo o de Maadua, gai de Maadua e noho i ono lodo. Gai deenei taadeu hai e iloo ai bolo ia e noho i odaadeu lodo: gidaadeu e iloo de mee nei i daho de Hagasaalunga ⌊Dabu⌋ aana gu gaamai gi gidaadeu.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Colossians 2:10

Gai goodou gu hhao ma gu hoohonu i de mouli i lodo o Klisdo, go de biho o dagi alodahi ma gilaadeu iai ssauaa e dagi ai.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

Ephesians 3:17

gi noho ai Klisdo i oodou lodo i de gai, gai goodou gu hagamakaga ma de dagelo i de aloha,

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

1 Corinthians 12:12

Gai e bei dagodo o de angaanga, e dahi donu huu angaanga, aagai e lagolago donu diba o de angaanga daudahi, gai e bei ai hogi dagodo o Klisdo.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Romans 8:10

Aagai noo Klisdo e noho i oodou lodo, gai ga maakau naa donu oodou angaanga i hiidinga o de haisala, gai oodou hagasaalunga e mouli i hiidinga goodou gu lava i de hagaheohi i daho de Maadua.

John 6:56

Be goai e gaina dogu angaanga ma de unu ogu dodo e noho donu i ogu lodo, gai au i ono lodo.

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.