John 17:23 - De Beebaa Dabu

²³ au i olaadeu lodo gai koe i ogu daha, gai gi buni ai gilaadeu gi dahi, gi iloo ai e henua i lalo bolo go koe ne haia nei au gi humai, gai koe gu aloha i gilaadeu bei doo aloha i de au.

John 17:23 Referans Kwoze

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

John 16:27

e deai, Tamana e aloha donu i goodou, i hiidinga goodou ne aaloha i de au, ma de hagadonusia bolo au ne humai donu i daho de Maadua.

1 John 3:1

Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.

John 13:35

Deenei de hai a dangada alodahi e iloo ai bolo goodou ni dangada agoago niiagu, noo goodou e hagadau aaloha.”

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

Colossians 3:14

Gai hagapunidia ange gi mee nei alodahi de aloha, go de mee e noodia mee alodahi ga hai gi buni abodonu.

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

John 14:23

Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

John 14:10

Koe e dee hagadonusia bolo au e noho i lodo o Tamana, gai Tamana e noho i ogu lodo? Au e dee tala adu muna nei i dogu sauaa donu huu, aagai go Tamana e noho laa i ogu lodo e hai hegau i ogu daha.

Colossians 2:2

Au e hai de mee nei e hagalo taane ange ai olaadeu lodo ma de buni i de hagadau aaloha, gi honu danuaa ai delaadeu tonu ange ma de iloo de hagatau a de Maadua e dee iloo laa, go Klisdo.

Philippians 3:15

Deenei ai, gidaadeu alodahi gu maatua abodonu laa gi se lodo daudahi. Gai noo e hanu oodou mee e dee buni ai, gai go de Maadua e hagaagona adu gi goodou.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

John 6:56

Be goai e gaina dogu angaanga ma de unu ogu dodo e noho donu i ogu lodo, gai au i ono lodo.

John 3:17

Gai de Maadua tee gaamai dana Dama Daane gi henua i lalo e hagaduasala ai henua i lalo, aagai ne gaamai e hagaola ai henua i lalo i ono daha.

1 John 4:19

Gidaadeu e aaloha i de ia, i hiidinga go ia ne aloha i gidaadeu i mua.

Colossians 1:28

Gai go ia donu omaadeu e agoago ai nei, ma de hagakana ange ai dangada alodahi i de heiangi alodahi, gi maua ai e gimaadeu i de gaamai gilaadeu alodahi gu maatua abodonu i lodo o Klisdo.

John 10:38

gai noo au e hai hegau a dogu Damana, gai e dee galemu naa donu doodou dee hagadonu au, gai goodou hagadonusia agu hegau, gi iloo ai e goodou, aama de tonu ange bolo Tamana e noho i ogu daha, gai au e seesee i lodo o Tamana.”

John 15:9

Au ne aloha i goodou, bei de hai a dogu Damana e aloha ai laa i de au; goodou duudagina de nnoho i lalo dogu aloha.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

John 17:11

Au gu dai hano gee i henua i lalo e ahe adu gi oo daha, gai gilaadeu e nnoho naa donu huu i henua i lalo. Tamana Dabu, buibuia gilaadeu i ssauaa o doo ingoo aau gu gaamai laa gi de au, gi buni ai gilaadeu gi dahi, bei odaau dagodo.

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.