John 17:17 - De Beebaa Dabu

¹⁷ Vaea gee gilaadeu i de muna abodonu; au muna go de muna abodonu.

John 17:17 Referans Kwoze

John 15:3

Goodou gu lava i de hai ma gu gilimalali, i hiidinga o agu muna gu tala adu ai goodou.

Psalm 119:160

Au muna alodahi ni muna abodonu; au hagamodu heohi alodahi e daakodo ga hano ai.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

John 17:19

Au e vvae gee au i olaadeu hiidinga, gi maua ai hogi e gilaadeu i de vvae gee gilaadeu i de mee abodonu.

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.

2 Thessalonians 2:13

Gimaadeu e hagaahe ange de abodonu gi de Maadua i masavaa alodahi i oodou hiidinga, denga daina o Tagi Maolunga e aloha ai laa, go hiidinga mai i taamada age gai de Maadua ne hili goodou gi hagamouli ga vvae gee goodou i ssauaa o de Hagasaalunga ⌊Dabu⌋, aama doodou hagadonu de mee abodonu.

Psalm 119:11

Au e doange au muna i ogu lodo, gi dee haisala adu ai au gi de goe.

Ephesians 4:21

Goodou gu langona ono dagodo ma de agoago i de mee abodonu i lodo o Iesu.

Psalm 119:9

Dee hee de hai a dahi dama daane e hai ai gi gilimalali dono mouli? Go dana dagitilo ga daudali i au muna.

Psalm 119:104

Au muna gu hagasauaa ne hai ga kii ange dogu donu ange; deelaa ai, au e kino i hegau baubau alodahi.

Psalm 12:6

Muna a Tagi Maolunga e dee haisala donu, e bei dagodo o selevaa gu hagagilimalali laa i de ahi i e hidu hanonga.

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

2 Samuel 7:28

Dogu Ia Aamua go Iahweh, go koe de Maadua abodonu, gai au muna ni muna abodonu, gai koe gu hagatoo donu mai de mee danuaa nei gi de au, doo dangada hai hegau.

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

Acts 15:9

Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai.

Luke 8:11

“Deenei de hagadoonunga o de mee hagasengasenga laa: denga golee laa go muna a de Maadua.

John 8:40

Gai iainei goodou e llodo e daa au gi magau, go tangada gu daalaa adu gi goodou de mee abodonu aagu ne langona mai i daho de Maadua. Gai Abraham tee hai de mee nei.

Psalm 119:144

Au muna e heohi ga hano ai; haia gi donu ange au gi mee nei, gi mouli ai au.