John 16:23 - De Beebaa Dabu

²³ De laangi laa gai goodou e dee dangidangi mai naa gi de au i dahi mee. Ni muna abodonu, ni muna abodonu aagu e hai adu gi goodou, be ni aha naa huu oodou e dangidangi ange ai gi Tamana i ogu hiidinga, gai ia e gaavadu naa donu gi goodou.

John 16:23 Referans Kwoze

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

Matthew 21:22

Gai be se aha naa huu oodou e dangidangi ai i talodalo, gai e gaavadu donu gi goodou, noo goodou e hagadonusia.”

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Matthew 7:7

“Dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

John 16:26

De laangi laa gai goodou e dangidangi naa i dogu ingoo; au e dee hai adu bolo au e dangidangi ange naa gi Tamana i oodou hiidinga;

John 14:20

De laangi laa gai goodou e tonu ange naa bolo au i lodo o dogu Damana, gai goodou i ogu lodo, gai au i oodou lodo.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

John 14:5

Thomas ne hai ange gi de ia, “Tagi Maolunga, gimaadeu e dee iloo be go hee oou ga hano naa aagena, gai dee hee demaadeu hai e iloo ai de haiava?”

John 16:19

Gai Iesu gu iloo e ia bolo gilaadeu e llodo e ssili ange gi de ia dagodo o de mee laa, gai ia ga hai ange gi gilaadeu, “Goodou e hagadau ssili be dee hee de hagadoonunga o agu muna i dagu hai adu, ‘E dee mmule naa donu gai goodou gu dee gidee au, gai e dee mmule naa hogi gai goodou gu gidee ange hogi au’?

John 16:30

Iainei gimaadeu gu iloo bolo koe e iloo mee alodahi, gai gu deai donu muna ssili a dangada. Deenei ai, gimaadeu e hagadonusia bolo koe ne humai donu i daho de Maadua.”

John 14:22

Judas (e dee go Judas Iscariot) ne ssili ange gi de ia, “Tagi Maolunga, gu aha gu hagaago mai ai donu huu goe oo dagodo gi gimaadeu, gai e dee hagaago ange gi henua i lalo?”