John 16:20 - De Beebaa Dabu

²⁰ Ni muna abodonu, ni muna abodonu aagu e hai adu nei gi goodou, goodou e tangi naa, gai henua i lalo e malangilangi. Goodou e hinangalosaa naa, gai doodou hinangalosaa e sui naa ga se malangilangi.

John 16:20 Referans Kwoze

James 1:2

Denga daina, goodou gi malangilangi i de masavaa oodou e tuu ange ai gi denga hagadaagangaa hagatale,

Matthew 5:4

E manuuia gilaadeu e daemaha olaadeu lodo; gilaadeu e hagamaamaane naa olaadeu lodo!

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

Mark 16:10

Gai Mary ne hano ga tala ange gi gilaadeu nogo hulo saele madali Iesu, i de masavaa e hinangalosaa ai olaadeu lodo ma de tangi.

Jeremiah 31:25

Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

Luke 24:21

Gai gimaadeu ne tali hagalodolodo bolo go ia e hagaola ina Israel! Gai e dee deenei donu huu, gai anailaa nei go tolu laangi i dua de hai mee nei.

Psalm 30:11

Koe gu hai au gi dee dangi gai gi anu; koe ne aau dogu malo daladala, gai ga hakahu mai au i de malangilangi,

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Romans 5:11

Gai e dee deenei donu huu, gai gidaadeu e malangilangi hogi i de Maadua, i daho taadeu Dagi Maolunga go Iesu Klisdo, go de ia ne haia ga maua e gidaadeu de hagadanuaa odaadeu magavaa ma de Maadua.

Luke 24:17

Gai Iesu ne ssili ange gi gilaau, “Ni aha ooluu e madaangudu ai naa i de masavaa ooluu e seesee ai e hulo?” Gai gilaau ga tuu donu huu, gu daemaha olaau lodo.

Luke 23:27

Gai dahi hagabuulingaa dangada soa ne daudali ange i de ia, madali denga haahine e hinangalosaa laa ma de tangi i ono hiidinga.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Revelation 18:7

Hagaduasala ina ia ma de hagadaemaha ina ia gi bei de hagamahamaha ma de mouli danuaa aana ne kave. Ia ne hagadaba i ono lodo, ‘Au se hine hodooligi e noho i honga dogu nohoanga hodooligi. Au e dee se hine gu magau dogu bodu, au e dee haihai naa donu ga hinangalosaa.’

Revelation 11:10

Gai dangada e nnoho i henua i lalo gu malangilangi i olaau hiidinga, gai gilaadeu ga daonga ga malangilangi aama de hagadau gaavange mee ngadi gaavange, i hiidinga go luu pelaabisi laa ne hidi mai ai de duasala o dangada e nnoho i henua i lalo.

Acts 5:41

Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

John 16:6

Goodou gu hinangalosaa oodou lodo, i hiidinga dagu tala adu muna nei gi goodou.

Luke 22:62

Gai Peter ga sao ga hano gu kona mmao dono dangi.

Luke 22:45

Gai ga lava huu ono dalodalo, gai ia ga ahe mai gi daho ana dangada agoago ga gidee, bolo gilaadeu gu sseni i hiidinga delaadeu hinangalosaa.

Luke 6:21

E manuuia goodou e hiikai iainei; goodou e hai naa ga boobosu! E manuuia goodou e tangi iainei; goodou e kada naa!

Mark 14:72

De masavaa laa donu huu gai gu goo de gaagoo daane i de lua hanonga. Gai Peter gu manadua e ia muna a Iesu ne hai ange gi de ia, “I mua de goo o de gaagoo daane i de lua hanonga, gai koe e hagadee iloo naa donu au i e dolu hanonga.” Gai ia gu dangi mmao.

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Psalm 97:11

De maalama e hagamaalama gilaadeu e heohi, gai gilaadeu e heohi olaadeu lodo e malangilangi.

De Beebaa go Job 20:5

gai de kii o tangada baubau e dee daulooloa donu, gai delaadeu malangilangi se masavaa bodobodo donu huu.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.

John 20:20

Gai ga lava huu i dana tala ange muna nei, gai ia ga hagaago ange luoono lima ma dono gaogao gi gilaadeu. Gai ana dangada agoago gu malangilangi mmao i delaadeu gidee Tagi Maolunga.

Matthew 21:38

Aagai ga gidee huu e gilaadeu dana dama, gai gilaadeu ga hagataba, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga.’