John 16:17 - De Beebaa Dabu

¹⁷ Hanu ana dangada agoago ne hagadau ssili, ga hagataba, “Dee hee de hagadoonunga o ana muna e tala mai nei, ‘E dee mmule naa donu gai goodou gu dee gidee au, gai e dee mmule naa hogi gai goodou gu gidee ange hogi au,’ gai ‘Go hiidinga au e hano gi daho dogu Damana’?”

John 16:17 Referans Kwoze

John 16:16

“E dee mmule naa donu gai goodou gu dee gidee au, gai e dee mmule naa hogi gai goodou gu gidee ange hogi au.”

John 16:5

“Iainei gai au gu dai ahe gi daho de ia ne haia ngau gi humai. Gai tigi ai donu se goodou ne siilia mai, ‘Koe ga hano naa gi hee?’

Mark 9:32

Aagai gilaadeu tee tonu ange gi ana muna, gai ne maatagu i de ssili ange gi de ia.

John 16:19

Gai Iesu gu iloo e ia bolo gilaadeu e llodo e ssili ange gi de ia dagodo o de mee laa, gai ia ga hai ange gi gilaadeu, “Goodou e hagadau ssili be dee hee de hagadoonunga o agu muna i dagu hai adu, ‘E dee mmule naa donu gai goodou gu dee gidee au, gai e dee mmule naa hogi gai goodou gu gidee ange hogi au’?

John 14:5

Thomas ne hai ange gi de ia, “Tagi Maolunga, gimaadeu e dee iloo be go hee oou ga hano naa aagena, gai dee hee demaadeu hai e iloo ai de haiava?”

John 12:16

Gai ana dangada agoago tee tonu ange gi de mee nei i taamada. Gai dua huu de hagamahamaha o Iesu, gai gilaadeu gu manadua bolo mee nei gu lava donu i de sisi ma e tala ai ono dagodo, gai mee nei gu hai ange donu gi de ia.

Luke 18:34

Gai ana dangada agoago tee tonu ange gi muna laa; de hagadoonunga o muna nei e hagammuni i gilaadeu, gai gilaadeu tee tonu ange gi muna a Iesu ne tala ange.

Mark 9:10

Gai ana dangada agoago ne daohi mee laa i olaadeu lodo, ma de hagadau ssili be dee hee de hagadoonunga o de mouli age mai i de magau.

John 16:1

Au gu tala adu mee nei gi goodou gi dee aahe dua ai goodou.

John 14:22

Judas (e dee go Judas Iscariot) ne ssili ange gi de ia, “Tagi Maolunga, gu aha gu hagaago mai ai donu huu goe oo dagodo gi gimaadeu, gai e dee hagaago ange gi henua i lalo?”

Luke 9:45

Gai gilaadeu tee tonu ange gi muna laa, go hiidinga mee laa gu hagammuni gi dee tonu ange gilaadeu aagena. Gai gilaadeu ne maatagu i de ssili ange gi de ia de hagadoonunga o muna laa.

John 16:18

Gai gilaadeu ne duudagi de ssili, “Dee hee de hagadoonunga o muna, ‘e dee mmule naa donu’? Gimaadeu e dee tonu ange gi ana muna e tala.”