John 15:5 - De Beebaa Dabu

⁵ Go au de grapevine; goodou go denga laa. Be goai e noho i ogu lodo, gai au e noho i ono lodo, gai ia e hua lagolago. Goodou e dee maua donu i de hai dahi mee daudahi, noo goodou e dee noho i ogu lodo.

John 15:5 Referans Kwoze

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.

2 Corinthians 13:8

Gai gimaadeu e dee maua i de hai dahi mee e hai baasi ange ai gi de mee abodonu, gai gimaadeu e bale de mee abodonu.

John 5:19

Gai Iesu ga hai ange gi gilaadeu, “Ni muna abodonu, ni muna abodonu aagu e hai adu nei gi goodou, Tama e dee maua donu i de hai dahi mee i de ia donu huu, gai ia e hai donu huu ana mee e gidee Tamana e hai; go hiidinga be se aha naa huu a Tamana e hai, gai deelaa hogi de mee a Tama e hai.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

John 12:24

Ni muna abodonu, ni muna abodonu aagu e hai adu nei gi goodou, noo de hua grain e dee doo gi lo te gelegele ga bobo ai, gai e dahi donu huu hua laa, aagai noo e doo iho ga bobo, gai e somo age naa ga lagolago ono hua.

Romans 7:4

Denga daina, goodou gu maakau ange hogi gi de hainga i doodou dau i de angaanga o Klisdo, gi dau ange ai goodou gi dahi dangada gee, go de ia ne mouli age laa mai i de magau, gai gidaadeu ga hagadili ai denga hua danuaa a de Maadua.

Philippians 1:11

Gai oodou mouli gu hoohonu i hua o de heohi ne daamada mai laa i mahi o Iesu Klisdo, e hagamahamaha ai ma de tuhi ai de Maadua.

John 9:33

Noo taane nei tee humai i daho de Maadua, gai ia e dee maua donu i de hai dahi mee daudahi.”

Philippians 4:17

Au e dee se lodo i doodou mee ngadi gaavange, aagai ne lodo e hai gi laumalie de manuuia oodou e kave.

Romans 6:22

Aagai iainei goodou gu ilaage mai i de haisala, gai gu ni dangada hai hegau niio de Maadua, gai doodou mee e maua ai go doodou hai ga ni dangada e dabu, gai de hagaodi o de mee nei go de mouli e dee ngado mai.

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

1 Corinthians 12:12

Gai e bei dagodo o de angaanga, e dahi donu huu angaanga, aagai e lagolago donu diba o de angaanga daudahi, gai e bei ai hogi dagodo o Klisdo.

1 Peter 2:4

Goodou loomai gi de ia, go ia de hadu e mouli laa — ne tili gee laa i daho dangada, aagai de Maadua ne hili ia ga hai gi se hadu hagamogomogo —

1 Corinthians 12:27

Goodou go de angaanga donu o Klisdo, gai dahi ma dahi se diba niio dono angaanga.

Ephesians 5:9

(go hiidinga hua o de maalama go mee danuaa alodahi ma de heohi aama de mee abodonu),

2 Corinthians 9:10

De ia e gaavange golee a tangada hai veelenga ma pelaoaa e gai mee ai ia, e gaavadu naa hogi oodou mee, ma de hai gi laumalie tau gai o oodou heohi.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

Romans 12:5

gai e bei ai hogi odaadeu dagodo i lodo o Klisdo: gidaadeu e soa, gai e dahi donu huu angaanga, gai diba alodahi e dau ange gi denga diba ange laa.

1 Corinthians 10:16

E aha, de ubu adaadeu e hagaahe ange ai nei de abodonu, e dee go taadeu hagadau kave dodo o Klisdo? Gai e aha, de pelaoaa adaadeu e dohidohi nei, e dee go taadeu hagadau kave de angaanga o Klisdo?

Hosea 4:8

Gilaadeu e gaimee i mee e maua i haisala o ogu dangada, ma de llodo i alaadeu hegau baubau.

Matthew 13:21

Aagai go hiidinga e deai donu ono aga, deelaa ai, ia e dee daulooloa donu. Gai de masavaa huu e dae mai ai de hai ngadaa ma de vaivai haia i hiidinga o muna laa, gai ia e moolau de ahe dua.